പാതിവില തട്ടിപ്പിലെ മുഖ്യ പ്രതി അനന്തു കൃഷ്ണന് 21 ബാങ്ക് അക്കൗണ്ടുകളുണ്ടെന്ന് ക്രൈംബ്രാഞ്ച്. തട്ടിപ്പിന്റെ ഭാഗമായി 20,163 പേരില് നിന്ന് 60,000 രൂപ വീതവും, 40,035 പേരില് നിന്ന് 56,000 രൂപ വീതവും കൈപ്പറ്റിയിട്ടുണ്ട്. വിവിധ അക്കൗണ്ടുകള് വഴി ഈ ഇനത്തില് മാത്രം 143.5 കോടി രൂപ എത്തിയെന്നും ക്രൈംബ്രാഞ്ച് കോടതിയെ അറിയിച്ചു. അനന്തു കൃഷ്ണനെ മൂവാറ്റുപുഴ കോടതിയില് ഹാജരാക്കിയപ്പോൾ അന്വേഷണ സംഘം നല്കിയ കസ്റ്റഡി അപേക്ഷയിലാണ് ഇക്കാര്യം അറിയിച്ചത്..ചാലക്കുടി പോട്ട ഫെഡറല് ബാങ്കില് നിന്നും കൊള്ളയടിച്ച 15 ലക്ഷം രൂപയില് നിന്ന്, 12 ലക്ഷം രൂപ പ്രതി റിജോയുടെ വീട്ടില് നിന്നും കണ്ടെടുത്തു. പ്രതിയെ വീട്ടിലെത്തിച്ച് നടത്തിയ തെളിവെടുപ്പിലാണ് പണം കണ്ടെടുത്തത്. കിടപ്പുമുറിയിലെ ഷെല്ഫില് നിന്നാണ് പണം കണ്ടെടുത്തത്. ബാങ്ക് ജീവനക്കാരെ ഭീഷണിപ്പെടുത്തി ബന്ദിയാക്കാന് ഉപയോഗിച്ച കത്തിയും മോഷണ സമയത്ത് റിജോ ധരിച്ചിരുന്ന വസ്ത്രവും വീട്ടില്നിന്ന് പൊലീസ് കണ്ടെടുത്തിട്ടുണ്ട്..വ്യവസായ വളര്ച്ച സംബന്ധിച്ച് സര്ക്കാര് ഊതി വീര്പ്പിച്ച കണക്കുകള് കൊണ്ട് ഏച്ചുകെട്ടുകയാണെന്ന് പ്രതിപക്ഷ നേതാവ് വി ഡി സതീശന്. കേരളം വ്യവസായ സൗഹൃദം പൂര്ണമായി ഉള്ള സംസ്ഥാനമായി മാറണമെന്നത് എല്ലാവരുടേയും സ്വപ്നമാണ്. രാഷ്ട്രീയത്തിന് അപ്പുറത്തിലുള്ള എല്ലാ പിന്തുണയും പ്രതിപക്ഷം നല്കും. എന്നാല് വ്യവസായത്തെ സംബന്ധിച്ച് തെറ്റായ കണക്കുകളാണ് സംസ്ഥാന സര്ക്കാര് പറയുന്നത്. വാര്ത്താസമ്മേളനത്തില് പ്രതിപക്ഷ നേതാവ് ആരോപിച്ചു..ഒളിംപിക്സ് അസോസിയേഷനെതിരെ താന് പറഞ്ഞതില് മാറ്റമില്ലെന്ന് കായിക മന്ത്രി വി അബ്ദുറഹിമാന്. ഐഒഎയ്ക്ക് പുട്ടടിയെന്ന് പറഞ്ഞതില് ഉറച്ച് നില്ക്കുന്നു. ഭയപ്പെടുത്തല് ഇങ്ങോട്ട് വേണ്ട. തന്റെ പ്രവര്ത്തനത്തിന് ഒളിംപിക് അസോസിയേഷന്റെ സര്ട്ടിഫിക്കറ്റ് വേണ്ടെന്നും ജനങ്ങളുടെ സര്ട്ടിഫിക്കറ്റ് മതിയെന്നും അത് കിട്ടുന്നുണ്ടെന്നും മന്ത്രി വി അബ്ദുറഹിമാന് മലപ്പുറത്ത് മാധ്യമങ്ങളോട് പറഞ്ഞു. ഗുജറാത്തിന് എതിരായ രഞ്ജി ട്രോഫി സെമി ഫൈനല് മത്സരത്തിന്റെ ആദ്യ ദിവസം കേരളം ശക്തമായ നിലയില്. കളി നിര്ത്തുമ്പോള് നാല് വിക്കറ്റിന് 206 റണ്സെന്ന നിലയിലാണ് കേരളം. കളി നിര്ത്തുമ്പോള് 69 റണ്സോടെ ക്യാപ്റ്റന് സച്ചിന് ബേബിയും 30 റണ്സോടെ മുഹമ്മദ് അസറുദ്ദീനുമാണ് ക്രീസില്..Subscribe to our Newsletter to stay connected with the world around youFollow Samakalika Malayalam channel on WhatsApp Download the Samakalika Malayalam App to follow the latest news updates
