കൊച്ചി: ഡിലിറ്റ് വിവാദത്തില് ചെന്നിത്തലയെ തള്ളി പ്രതിപക്ഷ നേതാവ് വിഡി സതീശന്. മുതിര്ന്ന നേതാവായ ചെന്നിത്തലക്ക് അഭിപ്രായം പറയാം. എന്നാല് താനും കെപിസിസി പ്രസിഡന്റും പറയുന്നതാണ് പാര്ട്ടി നിലപാട്. ഡി ലിറ്റ് വിഷയത്തില് പാര്ട്ടിയില് അഭിപ്രായ ഭിന്നതിയില്ലെന്നും സതീശന് പറഞ്ഞു.
'ചെന്നിത്തല മുന് പ്രതിപക്ഷ നേതാവും കേരളത്തിലെ മുതിര്ന്ന കോണ്ഗ്രസ് നേതാക്കളിലൊരാളുമാണ്. ഈ വിഷയത്തില് അദ്ദേഹം അഭിപ്രായം പറയാന് പാടില്ലെന്ന് താന് പറയില്ല. ഏകീകൃതമായ അഭിപ്രായം താന് പറഞ്ഞതാണ്. കെപിസിസി പ്രസിഡന്റും അതുതന്നെ പറഞ്ഞിട്ടുണ്ട്. അതാണ് കോണ്ഗ്രസിന്റെ അഭിപ്രായം.' സതീശന് പറഞ്ഞു.
കോണ്ഗ്രസിലെ നേതാക്കളുമായി ചര്ച്ച ചെയ്താണ് അഭിപ്രായം പറഞ്ഞതെന്നും വിഡി സതീശന് പറഞ്ഞു.കെപിസിസി പ്രസിഡന്റും പ്രതിപക്ഷ നേതാവും രണ്ട് അഭിപ്രായം പറഞ്ഞിട്ടില്ല. ഇതുവരെ ഒരു കാര്യത്തിലും രണ്ടപ്രായം പറഞ്ഞിട്ടില്ല. കൂടിയാലോചന നടത്തി ഒറ്റ അഭിപ്രായമേ പറയാറുള്ളൂയെന്നും അദ്ദേഹം പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
