'തിക്താനുഭവങ്ങള് ഉണ്ടായേക്കാം, തളര്ന്ന് പോകരുത്; ഹു കെയേഴ്സ് അല്ല, വി കെയര്'; രാഹുലിനെതിരെ ഒളിയമ്പുമായി വീണാ ജോര്ജ്
കൊച്ചി: കോണ്ഗ്രസ് എംഎല്എ രാഹുല് മാങ്കൂട്ടത്തിലിനെതിരെ ഒളിയമ്പുമായി ആരോഗ്യമന്ത്രി വീണാ ജോര്ജ്. ഹു കെയേഴ്സ് അല്ല, വി കെയര് എന്ന് പറഞ്ഞ് ഹെല്പ് ലൈന് നമ്പര് പങ്കുവച്ചാണ് വീണാ ജോര്ജിന്റെ ഫെയ്സ്ബുക്ക് പോസ്റ്റ്.
'ഏറെ വിശ്വസിച്ച വ്യക്തികളില് നിന്നോ മറ്റുള്ളവരില് നിന്നോ ജീവിതത്തില് പലര്ക്കും തിക്താനുഭവങ്ങള് ഉണ്ടായേക്കാം. തളര്ന്ന് പോകരുത്. മടിച്ച് നില്ക്കാതെ നേരിടാം. വ്യക്തി മര്യാദകളും ജനാധിപത്യ മര്യാദകളും വിട്ട് ഭീഷണിയിലേക്കും ബ്ലാക് മെയ്ലിങ്ങിലേക്കും വാക്കുകള് മാറിയാല്, ശാരീരികവും മാസികവുമായുള്ള പീഡനങ്ങള് ഏല്ക്കേണ്ടി വന്നാല് ചെറുക്കാം' - കുറിപ്പില് പറയുന്നു.
'ശാരികവും മാസികവുമായുള്ള പീഡനങ്ങള് ഏല്ക്കേണ്ടി വന്നാല് ചെറുക്കാം. നിങ്ങളുടെ സ്വകാര്യത നിലനിര്ത്തിക്കൊണ്ട് തന്നെ നീതി ലഭിക്കാന്, പ്രതിസന്ധികളെ അതിജീവിക്കാന്, ജീവിതത്തിലെ സ്വപ്നങ്ങള് തിരിച്ചുപിടിക്കാന് സംസ്ഥാന സര്ക്കാറും വനിത വികസന കോര്പ്പറേഷനും ഒപ്പം ഉണ്ട്. കൗണ്സലിങ്ങ്, നിയമോപദേശം, അടിയന്തര സംരക്ഷണം തുടങ്ങിയ സഹായങ്ങളുമായി 24 മണിക്കൂറും 181 ഹെല്പ്പ് ലെന് നിങ്ങള്ക്കായുണ്ട്. മടിക്കേണ്ടതില്ല. നേരിട്ട് വിളിക്കാം'.
കുറിപ്പിന്റെ പൂര്ണരൂപം
ജീവിതത്തില് തോറ്റ് പോകരുത് . ഏറെ വിശ്വസിച്ച വ്യക്തികളിൽ നിന്നോ മറ്റുള്ളവരിൽ നിന്നോ ജീവിതത്തില് പലർക്കും തിക്താനുഭവങ്ങള് ഉണ്ടായേക്കാം. തളര്ന്ന് പോകരുത്. മടിച്ച് നിൽക്കാതെ നേരിടാം. വ്യക്തി മര്യാദകളും ജനാധിപത്യ മര്യാദകളും വിട്ട് ഭീഷണിയിലേക്കും ബ്ലാക് മെയ്ലിങ്ങിലേക്കും വാക്കുകള് മാറിയാൽ, ശാരീരികവും മാസികവുമായുള്ള പീഡനങ്ങള് ഏല്ക്കേണ്ടി വന്നാല് ചെറുക്കാം. നിങ്ങളുടെ സ്വകാര്യത നിലനിർത്തിക്കൊണ്ട് തന്നെ നീതി ലഭിക്കാന്, പ്രതിസന്ധികളെ അതിജീവിക്കാന്, ജീവിതത്തിലെ സ്വപ്നങ്ങള് തിരിച്ചുപിടിക്കാന് സംസ്ഥാന സർക്കാറും വനിത വികസന കോർപ്പറേഷനും ഒപ്പം ഉണ്ട്. കൗൺസലിങ്ങ്, നിയമോപദേശം, അടിയന്തര സംരക്ഷണം തുടങ്ങിയ സഹായങ്ങളുമായി 24 മണിക്കൂറും 181 ഹെല്പ്പ് ലെന് നിങ്ങൾക്കായുണ്ട്. മടിക്കേണ്ടതില്ല. നേരിട്ട് വിളിക്കാം.
Veena George against Rahul Mamkootathil
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
