കൊച്ചി: ഗസ്റ്റ് ലക്ചറര് നിയമനത്തിനായി വ്യാജസര്ട്ടിഫിക്കറ്റ് ഉണ്ടാക്കിയ കേസിലെ പ്രതിയായ മുന് എസ്എഫ്ഐ നേതാവ് കെ വിദ്യയ്ക്ക് പിഎച്ച്ഡി പ്രവേശനം ലഭിച്ചതില് കാലടി സര്വകലാശാലയുടെ ആഭ്യന്തര അന്വേഷണം ഇന്ന് തുടങ്ങും. സര്വകലാശാല സിന്ഡിക്കേറ്റ് ലീഗല് ഉപസമിതിയാണ് സംവരണ മാനദണ്ഡങ്ങള് ലംഘിച്ചാണോ വിദ്യയ്ക്ക് പ്രവേശനം നല്കിയതെന്ന് പരിശോധിക്കുന്നത്.
ഇതിന്റെ ഭാഗമായി പ്രവേശന രേഖകള് സമിതി പരിശോധിക്കും. വിദ്യയുടെ ഗവേഷണ ഗൈഡ് ആയിരുന്ന ബിജു എക്സ് മലയിലിന്റെ കത്തിന്റെ അടിസ്ഥാനത്തിലാണ് സർവകലാശാല സമഗ്ര അന്വേഷണത്തിനൊരുങ്ങുന്നത്. അന്വേഷണത്തിന് സിന്ഡിക്കേറ്റ് ലീഗല് ഉപസമിതിയെ ചുമതലപ്പെടുത്തി വൈസ് ചാൻസലർ ഉത്തരവിറക്കിയിരുന്നു.
മുന് വൈസ് ചാന്സലര് ഡോ. ധര്മരാജ് അടാട്ടില് നിന്നും സമിതി വിശദാംശങ്ങള് തേടും. പിഎച്ച്ഡി പ്രവേശനത്തിന് സംവരണമില്ലെന്നായിരുന്നു അടാട്ടിന്റെ വാദം. എന്നാല് പിഎച്ച്ഡിക്കു സംവരണം ബാധകമാണെന്ന് കാണിച്ച് 2016ല് സര്വകലാശാല പുറത്തിറക്കിയ സര്ക്കുലര് പുറത്തുവന്നിരുന്നു.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
