കറ നല്ലതാണെന്ന് സര്‍ഫ് എക്‌സല്‍, 'കടം' നല്ലതാണെന്ന് ഐസക്കും കൂട്ടരും; പരിഹാസവുമായി വി ടി ബല്‍റാം

പാലക്കാട് : സാമ്പത്തിക വര്‍ഷാവസാനത്തെ ഭാരിച്ച ചെലവുകൾ നേരിടാന്‍ സംസ്ഥാന സര്‍ക്കാര്‍ 5000 കോടി കടമെടുക്കാനുള്ള നീക്കത്തെ പരിഹസിച്ച് കെപിസിസി വൈസ് പ്രസിഡന്റ് വി ടി ബല്‍റാം. ഇതുസംബന്ധിച്ച പത്രവാര്‍ത്ത കൂടി പങ്കുവെച്ചുകൊണ്ടാണ് ബല്‍റാമിന്റെ പരിഹാസം. 

ഈ വര്‍ഷത്തെ അവസാനത്തെ കടമെടുപ്പാണിത്. ഈ വര്‍ഷം പൊതു വിപണിയില്‍ നിന്നുള്ള കടമെടുപ്പ് 28,000 കോടിയായി. ഈ മാസം മാത്രം 7000 കോടിയാണ് സംസ്ഥാനത്തിന് കടമെടുക്കേണ്ടി വന്നതെന്നും പത്രവാര്‍ത്തയിലുണ്ട്. സില്‍വര്‍ ലൈനിനെതിരായ പ്രതിഷേധം കൂടി നടക്കുന്ന വേളയിലാണ് ബല്‍റാമിന്റെ പരിഹാസം. 

ഫെയ്‌സ്ബുക്ക് പോസ്റ്റിന്റെ പൂര്‍ണരൂപം: 

'കറ നല്ലതാണ്': സര്‍ഫ് എക്‌സല്‍
'കടം നല്ലതാണ്': സഖാവ് ഐസക്കും കൂട്ടരും
ഫോട്ടോയില്‍ ഉള്ളത് ഇന്നത്തെ പത്രത്തിലെ വാര്‍ത്തയാണ്, അതായത് ലേറ്റസ്റ്റ് കടമെടുപ്പിന്റെ!