വാളയാര് ആള്ക്കൂട്ട കൊലപാതകം: ഏഴാം ദിവസം ഗുരുതര വകുപ്പുകള് ചുമത്തി പൊലീസ്
പാലക്കാട്: വാളയാര് ആള്ക്കൂട്ടക്കൊലപാതകത്തില് ഏഴാം ദിവസം ഗുരുതര വകുപ്പുകള് ചുമത്തി പൊലീസ്. എസ്സി - എസ്ടി അതിക്രമം തടയല്, ആള്ക്കൂട്ട കൊലപാതകം (ഭാരതീയ ന്യായ സംഹിത 103 (2)) എന്നീ വകുപ്പുകളാണ് പ്രതികള്ക്കെതിരെ ചുമത്തിയത്. കേസില് രണ്ട് പേരെ കൂടി പൊലീസ് അറസ്റ്റ് ചെയ്തു. ആദ്യ ദിവസങ്ങളില് കൂടുതല് പ്രതികളെ പിടികൂടാനും മൊബൈല് ഫോണ് ദൃശ്യങ്ങള് ശേഖരിക്കുന്നതിലും പൊലീസിന് വീഴ്ച സംഭവിച്ചതായി വിമര്ശനം ഉയര്ന്നു. എന്നാല്, കുറ്റക്കാര്ക്കെതിരെ കര്ശന നടപടി സ്വീകരിക്കുമെന്ന് ഡിജിപി അറിയിച്ചു.
പട്ടാപ്പകല് ഒരു കൂട്ടം ആളുകള് ചേര്ന്ന് ഛത്തീസ്ഗഡ് സ്വദേശിയെ തല്ലിക്കൊന്നിട്ടും ഗുരുതര വകുപ്പുകള് ചുമത്താത്തതില് വലിയ വിമര്ശനം ഉയര്ന്നിരുന്നു. ധനസഹായത്തോടൊപ്പം ഗുരുതര വകുപ്പുകള് കൂടി ചുമത്തണമെന്നായിരുന്നു രാം നാരായണന്റെ കുടുംബത്തിന്റെ ആവശ്യം. കുടുംബത്തിന് അധികൃതര് നല്കിയ ഉറപ്പിന്റെ അടിസ്ഥാനത്തിലാണ് എസ്സി - എസ്ടി അതിക്രമം തടയല്, ആള്ക്കൂട്ട കൊലപാതകം ഉള്പ്പെടെയുള്ള വകുപ്പുകള് ചുമത്താന് പൊലീസ് തയ്യാറായത്. ആള്ക്കൂട്ട കൊലപാതകത്തില് പൊലീസിന് തുടക്കത്തില് ഗുരുതര വീഴ്ചയുണ്ടായെന്ന് ആരോപണം ഉയര്ന്നിരുന്നു.
കൂടുതല് പേര് മൊബൈല് ഫോണില് ദൃശ്യങ്ങള് പകര്ത്തിയിരുന്നെങ്കിലും അത് ശേഖരിക്കാനും പൊലീസിന് കഴിഞ്ഞില്ല. രണ്ട് ദിവസത്തിനുശേഷം മര്ദ്ദനത്തില് ഉള്പ്പെട്ടവര് നാടുവിട്ടു. ഇവര് തമിഴ്നാട്ടിലേക്ക് കടന്നതായാണ് വിവരം. ആദ്യ മണിക്കൂറുകളില് ഉണ്ടായ അനാസ്ഥ കാരണം തെളിവുകള് ശേഖരിക്കുന്നതിലും അന്വേഷണ സംഘത്തിന് പരിമിതിയുണ്ട്. ദൃശ്യങ്ങള് പകര്ത്തിയ ഫോണുകള് നശിപ്പിച്ചതായിട്ടാണ് വിലയിരുത്തല്. എന്നാല് പ്രതികളുടെ രാഷ്ട്രീയ പശ്ചാത്തലം നോക്കാതെ നടപടി സ്വീകരിക്കുമെന്നും കൂടുതല് പേര് ഉടന് അറസ്റ്റിലാകുമെന്നും ഡിജിപി വാര്ത്താസമ്മേളനത്തില് പറഞ്ഞു. അതിനിടെ അട്ടപ്പള്ളം സ്വദേശികളായ ജഗദീഷ്, വിനോദ് എന്നിവരെ പൊലീസ് അറസ്റ്റ് ചെയ്തു. മര്ദ്ദനത്തില് ഇവരും പങ്കെടുത്തു എന്നാണ് കണ്ടെത്തല്. ഇവര് കോണ്ഗ്രസ് പ്രവര്ത്തകരാണെന്ന ആരോപണവുമായി ബിജെപി രംഗത്തെത്തി.
Walayar mob lynching: Police charge serious charges on seventh day
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
