തിരുവനന്തപുരം: കണ്ടെയ്നര് ലോറിയില്നിന്ന് ഗ്രാനൈറ്റ് ഇറക്കുന്നതിനിടെയൂണ്ടായ അപകടത്തില് അതിഥി തൊഴിലാളി മരിച്ചു. തിരുവനന്തപുരം കഴക്കൂട്ടത്ത് ലുലുമാളിന് എതിര്വശമുള്ള നിര്മാണം നടക്കുന്ന കെട്ടിടത്തിലേക്ക് കണ്ടെയ്നര് ലോറിയില് എത്തിച്ച ഗ്രാനൈറ്റ് ഇറക്കുന്നതിനിടെയാണ് അപകടം. പശ്ചിമ ബംഗാള് സ്വദേശിയായ അഭിജിത് ബര്മന് (32) ആണ് മരിച്ചത്.
വ്യാഴം പകല് ഒന്നോടെയാണ് അപകടം. ലോറിയുടെ ഒരു സൈഡ് താഴുകയും തുടര്ന്ന് ഗ്രാനൈറ്റുകള് തൊഴിലാളികളുടെ ദേഹത്തേക്ക് വീഴുകയുമായിരുന്നു. കൃഷ്ണന് ( 29), ബിശ്വജിത് (29) എന്നിവര്ക്ക് തലയ്ക്കും കാലിനും ഗുരുതര പരിക്കേറ്റു. ഇരുവരും സ്വകാര്യ ആശുപത്രിയില് ചികിത്സയിലാണ്. അഗ്നിശമന സേനയും നാട്ടുകാരും ചേര്ന്ന് ഗ്രാനൈറ്റുകള് മാറ്റിയാണ് കുടുങ്ങിക്കിടന്ന തൊഴിലാളികളെ രക്ഷപ്പെടുത്തിയത്. വിദേശത്തുനിന്ന് എത്തിച്ച ഗ്രാനൈറ്റുകളാണ് തകര്ന്നത്.
West Bengal native died in an accident while unloading granite from a container lorry at thiruvanathapuram
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
