കുടുംബവും കുട്ടികളുമാണോ അതോ പാർട്ടിയാണോ വലുതെന്ന് ചോദിച്ചു, ത​ട്ടി​ക്കൊ​ണ്ടു​പോ​യി മർദ്ദിച്ചു; പരാതിയുമായി പ​ഞ്ചാ​യ​ത്ത്​ അം​ഗം 

പാലക്കാട്: ത​ട്ടി​ക്കൊ​ണ്ടു​പോ​യി ഭീ​ഷ​ണി​പ്പെ​ടു​ത്തി​യെന്നും മ​ർ​ദി​ച്ചെന്നും പ​ഞ്ചാ​യ​ത്ത്​ അം​ഗത്തിന്റെ പ​രാ​തി. പാലക്കാട്​ നെ​ന്മാ​റ ഗ്രാ​മ​പ​ഞ്ചാ​യ​ത്ത്​ അ​ഞ്ചാം വാ​ർ​ഡ്​ അം​ഗം സു​നി​ത സു​കു​മാ​ര​നാണ് പരാതിയുമായി രം​ഗത്തെത്തിയത്. ഇന്നലെ വൈ​കീ​ട്ട് ഏ​ഴ​ര​യോ​ടെ വീ​ടി​ന​ടു​ത്ത് റോ​ഡ​രി​കി​ൽ ഏ​താ​നും പേ​ർ കാ​ർ നി​ർ​ത്തി ക​യ​റ്റി​ക്കൊ​ണ്ടു​പോ​യെ​ന്നും വ​ധ​ഭീ​ഷ​ണി​യു​യ​ർ​ത്തി​യെ​ന്നുമാണ് സുനിതയുടെ ആരോപണം. 

ജീവിതവും കുടുംബവും കുട്ടികളുമാണോ അതോ പാർട്ടിയാണോ വലുതെന്ന്​ ചോദിച്ചെന്ന് സുനിത പറഞ്ഞു.  ഷാൾ ഉപയോഗിച്ച്​ കഴുത്തിൽ മുറുക്കിയതായും അവർ ആരോപിച്ചു. കുടുംബവും കുട്ടികളും മതിയെന്നും പാർട്ടി പ്രവർത്തനങ്ങളിൽ നിന്ന്​ പിൻമാറാമെന്നും പറഞ്ഞതോടെ​ റോ​ഡ​രി​കി​ൽ ഇറക്കി വിടുകയായിരുന്നുവെന്നും സുനിത പ​റ​ഞ്ഞു. 

സുനിതയെ നെ​ന്മാ​റ സർക്കാർ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. പ​ഞ്ചാ​യ​ത്തി​ലെ കോ​ൺ​ഗ്ര​സ്​ അം​ഗ​മാ​ണ് ഇ​വ​ർ. ഡി സി സി അധ്യക്ഷൻ വി കെ ശ്രീകണ്ഠൻ എം പി, സ്ഥലം എം പി രമ്യാ ഹരിദാസ് എന്നിവർ ആശുപത്രിയിലെത്തി സുനിതയെ സന്ദർശിച്ചു. തട്ടിക്കൊണ്ടു പോകൽ, വധഭീഷണി എന്നീ വകുപ്പുകൾ ചേർത്ത് നെന്മാറ പൊലീസ് കേസ് എടുത്തിട്ടുണ്ട്​.