അച്ഛനുമായി പിണക്കമൊന്നുമില്ലെന്ന് ഗണേഷ് കുമാര്‍

പത്തനാപുരം: കേരള കോണ്‍ഗ്രസ് ബി നേതാവ് ബാലകൃഷ്ണപ്പിള്ളയ്ക്ക് മുന്നോക്ക വികസന കോര്‍പ്പറേഷന്‍ പദവി നല്‍കിയ ഇടതു സര്‍ക്കാര്‍ നടപടിയെ പിന്തുണച്ച് കെ.ബി.ഗണേഷ് കുമാര്‍.

പിള്ളയ്ക്ക് ക്യാബിനറ്റ് പദവി നല്‍കിയതിനെതിരെ കേരള കോണ്‍ഗ്രസ് ബിക്കുള്ളില്‍ ഭിന്നത നിലനില്‍ക്കുന്നുവെന്ന വാര്‍ത്തകള്‍ക്കിടെയാണ് പിള്ളയെ പിന്തുണച്ച് ഗണേഷ് രംഗത്തെത്തിയത്. അച്ഛനും താനും തമ്മില്‍ പിണക്കമൊന്നുമില്ല. എല്‍ഡിഎഫിനൊപ്പം ഉറച്ചു നില്‍ക്കുമെന്നും, മന്ത്രിപദവിയോടം സ്ഥാനമാനങ്ങളോടും താത്പര്യമില്ലെന്നും ഗണേഷ് പറഞ്ഞു.