പാലക്കാട്: അട്ടപ്പാടി പീഡനക്കേസില്‍ പൊലീസ് കസ്റ്റഡിയില്‍ നിന്നും രക്ഷപ്പെട്ട പ്രതിയെ പിടികൂടി. ആനക്കട്ടി സ്വദേശി വീനസ് രാജിനെയാണ് പൊലീസ് വീണ്ടും കസ്റ്റഡിയിലെടുത്തത്. മണ്ണാര്‍ക്കാട് പൂഞ്ചോലയിലെ ബന്ധുവീട്ടില്‍ ഒളിവില്‍ കഴിയുകയായിരുന്നു ഇയാള്‍.
അട്ടപ്പാടിയില്‍ പ്രായപൂര്‍ത്തിയാകാത്ത ആദിവാസി ബാലികയെ പീഡിപ്പിച്ച കേസിലെ പന്ത്രണ്ട് പ്രതികളിലൊരാളാണ് ഇയാള്‍. വെള്ളിയാഴ്ച വൈകിട്ട് ഏഴു മണിയോടെ മണ്ണാര്‍ക്കാട് കോടതിയില്‍ ഹാജരാക്കുന്നതിനിടെ ഇയാള്‍ പൊലീസ് കസ്റ്റഡിയില്‍ നിന്ന് രക്ഷപ്പെടുകയായിരുന്നു.
കേസിലെ 12 പ്രതികളെയും മണ്ണാര്‍ക്കാട് സ്‌പെഷല്‍ കോടതിയില്‍ ഹാജരാക്കാന്‍ എത്തിച്ചപ്പോഴാണ് സംഭവം. പൊലീസ് വാഹനത്തില്‍നിന്ന് ഇറക്കുന്നതിനിടെ വീനസ് ഓടി രക്ഷപ്പെടുകയായിരുന്നു. മറ്റുള്ളവരെ വെള്ളിയാഴ്ച തന്നെ കോടതിയില്‍ ഹാജരാക്കിയിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
