അനധികൃത ഫ്ലക്സ് ബോർഡുകൾ യുദ്ധകാലാടിസ്ഥാനത്തിൽ നീക്കം ചെയ്യാൻ ഹൈക്കോടതി നിർദേശം

കൊ​ച്ചി: പൊ​തു​സ്ഥ​ല​ങ്ങ​ളി​ലും നിരത്തുകളിലും സ്ഥാ​പി​ച്ചി​ട്ടു​ള്ള അ​ന​ധി​കൃ​ത പ​ര​സ്യ - ഫ്ള​ക്സ് ബോ​ർ​ഡു​ക​ൾ യു​ദ്ധ​കാ​ലാ​ടി​സ്ഥാ​ന​ത്തി​ൽ നീ​ക്കം ചെയ്യണമെന്ന് ഹൈക്കോടതി. ത​ദ്ദേ​ശ വ​കു​പ്പ് പ്രി​ൻ​സി​പ്പ​ൽ സെ​ക്ര​ട്ട​റി ഇ​തി​നാ​യി ഉ​ത്ത​ര​വ് ന​ൽ​ക​ണ​മെ​ന്നും ഹൈ​ക്കോ​ട​തി നി​ർ​ദേ​ശം ന​ൽ​കി.

ത​ദ്ദേ​ശ സ്ഥാ​പ​ന​ങ്ങ​ൾ പ​ര​സ്യ ബോ​ർ​ഡു​ക​ൾ​ക്ക് അ​നു​മ​തി ന​ൽ​കു​മ്പോൾ എ​വി​ടെ സ്ഥാ​പി​ക്കാ​മെ​ന്ന് വ്യ​ക്ത​മാ​ക്ക​ണം. ബോ​ർ​ഡ് വ​ച്ച​തി​ന്‍റെ ല​ക്ഷ്യം നി​റ​വേ​റി​ക്ക​ഴി​ഞ്ഞാ​ൽ നീ​ക്കം ചെ​യ്യാ​ൻ വ്യ​വ​സ്ഥ  വേ​ണം. ബോ​ർ​ഡു​ക​ൾ സ്ഥാ​പി​ച്ച​വ​ർ ഇ​തു നീ​ക്കം ചെ​യ്യ​ണം. ഇ​തി​നാ​യി ബോ​ണ്ട് എ​ഴു​തി വാ​ങ്ങാമെന്ന് ഉത്തരവിൽ വ്യക്തമാക്കുന്നുണ്ട്.

റോ​ഡി​നും ഫു​ട്പാ​ത്തി​നു​മി​ട​യി​ൽ പ​ര​സ്യ ബോ​ർ​ഡു​ക​ൾ സ്ഥാ​പി​ക്ക​രു​ത്. റോ​ഡ​രി​കി​ലോ കാ​ൽ​ന​ട​യാ​ത്ര​ക്കാ​രും വാ​ഹ​ന​യാ​ത്ര​ക്കാ​രും ഉ​പ​യോ​ഗി​ക്കു​ന്ന പൊ​തു സ്ഥ​ല​ങ്ങ​ളി​ലോ ബോ​ർ​ഡു​ക​ൾ പാ​ടി​ല്ല. ഇ​തി​ന്  വി​രു​ദ്ധ​മാ​യി ബോ​ർ​ഡു​ക​ൾ സ്ഥാ​പി​ച്ചി​ട്ടു​ണ്ടെ​ങ്കി​ൽ ത​ദ്ദേ​ശ സ്ഥാ​പ​ന​ങ്ങ​ൾ​ക്കും വ​കു​പ്പ് പ്രി​ൻ​സി​പ്പ​ൽ സെ​ക്ര​ട്ട​റി​ക്കും നി​യ​മാ​നു​സൃ​തം ന​ട​പ​ടി​യെ​ടു​ക്കാം. നി​ർ​ദേ​ശ​ങ്ങ​ൾ പാ​ലി​ക്ക​പ്പെ​ടു​ന്നു​ണ്ടോ​യെ​ന്ന് ചീ​ഫ് സെ​ക്രട്ട​റി ഉ​റ​പ്പാ​ക്ക​ണ​മെ​ന്നും ഇ​ട​ക്കാ​ല ഉ​ത്ത​ര​വി​ൽ പ​റ​യു​ന്നു.

ബോ​ർ​ഡു​ക​ൾ​ക്ക് അ​നു​മ​തി ന​ൽ​കേ​ണ്ട​ത്  ത​ദ്ദേ​ശ സ്ഥാ​പ​ന​ങ്ങ​ളാ​ണ്. നി​യ​മ​ലം​ഘ​നം ന​ട​ത്തു​ന്ന​വ​ർ​ക്ക് പി​ഴ​യ​ട​ക്ക​മു​ള്ള ശി​ക്ഷ ന​ൽ​ക​ണം. പൊ​തു സ്വ​ത്ത് കൈ​കാ​ര്യം ചെ​യ്യു​ന്ന​തി​ൽ ജ​ന​ങ്ങ​ൾ പൗ​ര​ബോ​ധം കാ​ട്ടു​മെ​ന്നാ​ണ് ക​രു​തു​ന്ന​ത്. പ്ര​ള​യ​ത്തെ​ത്തു​ട​ർ​ന്നു​ണ്ടാ​യ മാ​ലി​ന്യ​ങ്ങ​ൾ സം​സ്ക​രി​ക്കാ​ൻ ത​ന്നെ ഏ​റെ ബു​ദ്ധി​മു​ട്ടു​ക​യാ​ണ്. സ​ഹോ​ദ​ര​ങ്ങ​ളു​ടെ ക്ഷേ​മത്തി​ലും ആ​രോ​ഗ്യ​ത്തി​ലും താ​ല്പ​ര്യ​മി​ല്ലാ​ത്ത ഏ​താ​നും ചി​ല​രാ​ണ് സ്വ​ന്തം താ​ല്പ​ര്യ​ത്തി​നു​വേ​ണ്ടി നി​യമ​വി​രു​ദ്ധ​മാ​യി പ​ര​സ്യ​ബോ​ർ​ഡു​ക​ൾ വ​യ്ക്കു​ന്ന​ത്. ഇ​തി​നാ​യി ജ​ന​ങ്ങ​ളെ ബു​ദ്ധി​മു​ട്ടി​ലാ​ക്കേ​ണ്ടെ​ന്നും  ഹൈ​ക്കോ​ട​തി അ​ഭി​പ്രാ​യ​പ്പെ​ട്ടു.