ഗോള്ഡന് ഗ്ലോബ് പായ്വഞ്ചി മത്സരത്തിനിടെ ഇന്ത്യന് മഹാസമുദ്രത്തില് അപകടത്തില്പ്പെട്ട നേവി കമാന്ഡര് അഭിലാഷ് ടോമി ഇന്ത്യയിലേക്ക്. പായ് വഞ്ചി തകര്ന്ന് നടുവിന് പരിക്കേറ്റ അഭിലാഷ് ടോമി ന്യൂ ആംസ്റ്റര്ഡാം ദ്വീപില് ചികിത്സയിലാണ്. ഇവിടെ നിന്ന് ഒരാഴ്ചക്കുളളില് അഭിലാഷിനെ ഇന്ത്യയില് എത്തിക്കാനാണ് നാവികസേനയുടെ തീരുമാനം. ഇതിന്റെ ഭാഗമായി ഐഎന്എസ് സത്പുര നാളെ ആംസ്റ്റര്ഡാമില് എത്തും.
ദിവസങ്ങള്ക്ക് മുന്പ് ഓസ്ട്രേലിയയിലെ പെര്ത്തില്നിന്ന് 3704 കിലോമീറ്റര് അകലെ കൊടുങ്കാറ്റില് 'തുരീയ' എന്ന പായ്വഞ്ചി തകര്ന്നാണ് അഭിലാഷ് അപകടത്തില്പ്പെട്ടത്. നടുവിന് പരിക്കേറ്റ് വഞ്ചിയില് കിടന്ന അഭിലാഷിന്റെ ജീവന് രക്ഷിക്കുന്നതിന് വിപുലമായ ശ്രമങ്ങളാണ് നടന്നത്. തുടര്ന്ന് ഫ്രഞ്ച് യാനം ഒസിരിസാണ് അഭിലാഷിനെ രക്ഷപ്പെടുത്തിയത്. ആംസ്റ്റര്ഡാമില് എത്തിച്ച അഭിലാഷിന് ചികിത്സ നല്കി വരുകയാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
