അഴിമതിക്കാരന് മുന്നില്‍ പിണറായി സറണ്ടര്‍ ചെയ്യുന്നു; വിടി ബല്‍റാം

തിരുവനന്തപുരം: കായല്‍ കൈയേറിയെന്ന ആരോപണം നേരിടുന്ന മന്ത്രി തോമസ് ചാണ്ടി അവധിയെടുക്കുന്നതിനെ പരിഹസിച്ച് വിടി ബല്‍റാം എംഎല്‍എ. മുഖ്യമന്ത്രി പിണറായി വിജയന്‍ അഴിമതിക്കാരന് മുന്നില്‍ സറണ്ടര്‍ ചെയ്‌തെന്നും ഇതിനെയാണ് സറണ്ടര്‍ ലീവെന്ന് പറയുന്നത് എന്നാണ് ഫേസ്ബുക്ക് പേജിലൂടെ ബല്‍റാം പരിഹസിച്ചത്.

ആരോഗ്യപ്രശ്‌നങ്ങള്‍ ചൂണ്ടിക്കാട്ടി അടുത്തമാസം ആദ്യം മുതല്‍ 15 ദിവസത്തേയ്ക്കാണ് തോമസ് ചാണ്ടി അവധിയില്‍ പ്രവേശിക്കാന്‍ ഒരുങ്ങുന്നത്. കൈയ്ക്ക് ശസ്ത്രക്രിയ നടത്തുന്നതിനും തുടര്‍ചികിത്സയ്ക്കുമായാണ് അവധിയെടുക്കുന്നതെന്നാണ് കാരണമായി പറയുന്നത്.