പാലക്കാട്: കുട്ടികളെ അശ്ലീല ചിത്രങ്ങള്‍ കാണിച്ച് നിരവധി തവണ ലൈംഗികമായി പീഡിപ്പിച്ച പ്രതി പൊലീസ് പിടിയില്‍. പാലക്കാട് ചാലിശ്ശേരി വട്ടക്കുന്ന് ആറയില്‍ വീട്ടില്‍ ഹുസൈനാണ് (40) പിടിയിലായത്. ചാലിശേരി പൊലീസാണ് ഇയാളെ അറസ്റ്റ് ചെയ്തത്.
വിവാഹിതനും രണ്ട് കുട്ടികളുടെ പിതാവുമാണ് അറസ്റ്റിലായ ഹുസൈന്‍. 12 വയസിന് താഴെയുള്ള നാല് കുട്ടികളെയാണ് ഇയാള്‍ അശ്ലീല ചിത്രങ്ങള്‍ കാണിച്ച് പീഡിപ്പിച്ചത്.
ജനമൈത്രിയുടെ ഭാഗമായി പൊലീസ് നടത്തിയ കുടുബ സംഗമങ്ങളില്‍ നിന്നാണ് പീഡിപ്പിക്കപ്പെട്ട കുട്ടികളുടെ രഹസ്യ പരാതി ലഭിച്ചത്. ഇതിന്റെ ഭാഗമായുള്ള അന്വേഷണത്തിലാണ് പ്രതിയെ പിടികൂടാന്‍ കഴിഞ്ഞത്.
ഹുസൈന്‍ രണ്ട് വര്‍ഷത്തോളമായി ലൈംഗികമായി കുട്ടികളെ പീഡിപ്പിക്കുന്നതായി പോലീസിന് മൊഴി നല്‍കിയിട്ടുണ്ട്. എടപ്പാള്‍ ഐലക്കാട്ടുള്ള തട്ടുകടയില്‍ ജോലിക്കാരനാണ് ഹുസൈന്‍. പ്രതിയെ പട്ടാമ്പി കോടതിയില്‍ ഹാജരാക്കി റിമാന്‍ഡ് ചെയ്തു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
