ഹൈദരാബാദ്: പാലക്കാട്ട് ഗര്ഭിണിയായ ആനയെ കൊലപ്പെടുത്തിയവരെക്കുറിച്ചു വിവരം നല്കിയാല് രണ്ടു ലക്ഷം രൂപ പാരിതോഷികം നല്കുമെന്ന് ഹൈദരാബാദിലെ കര്ഷകന്. കുറ്റക്കാരെക്കുറിച്ചു വിവരം കേരള പൊലീസിനു കൈമാറുന്നവര്ക്കു പാരിതോഷികം നല്കുമെന്ന് ബിടി ശ്രീനിവാസന് എന്ന കര്ഷകന് പറഞ്ഞു.
കൃഷി ചെയ്തുണ്ടാക്കിയ സമ്പാദ്യത്തില് നിന്നാണ് രണ്ടു ലക്ഷം രൂപ നല്കുന്നതെന്ന് ശ്രീനിവാസന് പറഞ്ഞു. ഗര്ഭിണിയായ ആന കൊല്ലപ്പെട്ട സംഭവം അത്രയ്ക്കു ദുഃഖമാണ് ഉണ്ടാക്കിയത്. ഇതിനു പിന്നില് പ്രവര്ത്തിച്ചവര് ശിക്ഷിക്കപ്പെടണം- മേധക് ജില്ലയില് നെല്കൃഷി നടത്തുന്ന ശ്രീനിവാസന് പറഞ്ഞു.
കേസില് കുറ്റവാളികള് ശിക്ഷിക്കപ്പെട്ടതിനു ശേഷമാണ് പാരിതോഷികം നല്കുക. പൊലീസ് ഈ കേസ് ഗൗരവത്തോടെ അന്വേഷിക്കുമെന്നാണ് കരുതുന്നതെന്നും ശ്രീനിവാസന് പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
