കോഴിക്കോട്: കോഴിക്കോട് ബീച്ചില്‍ മാലിന്യങ്ങള്‍ വന്‍തോതില്‍ അടിഞ്ഞുകൂടിയ നിലയില്‍. പ്ലാസ്റ്റിക് കുപ്പികള്‍, തുണികള്‍, ചെരുപ്പുകള്‍, പ്ലാസ്റ്റിക് സഞ്ചികള്‍, തെര്‍മോകോള്‍, ചകിരി, ചിരട്ട എന്നീ വസ്തുക്കളാണ് കടല്‍തീരത്ത് അടിഞ്ഞിരിക്കുന്നത്.
സൗത്ത് ബീച്ച് മുതല്‍ ഭട്ട് റോഡ് വരെ അടിഞ്ഞുകൂടിയ മാലിന്യങ്ങള്‍ കോര്‍പ്പറേഷന്റെ നേതൃത്വത്തില്‍ നീക്കം ചെയ്ത് തുടങ്ങി. ഈ മാലിന്യങ്ങളെ വേര്‍തിരിച്ച് റീസൈക്ലിങ് പ്ലാന്റിലേക്ക് മാറ്റിയിരിക്കുകയാണ്.
പൊലീസിന്റേയും മറ്റ് വകുപ്പുകളുടേയും സഹായത്തോടെ കടലില്‍ മാലിന്യം തള്ളുന്നവരെ കണ്ടെത്തുമെന്ന് നഗരസഭ വ്യക്തമാക്കി. കടല്‍തീരത്ത് നിന്നും മാലിന്യം നീക്കം ചെയ്യുന്നതിനുള്ള പ്രവര്‍ത്തനങ്ങള്‍ തുടരുമെന്നും നഗരസഭ അറിയിച്ചിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
