കണ്ണൂര്: കീഴാറ്റൂര് സമരത്തിന് ആരുടെയും പിന്തുണ സ്വീകരിക്കുമെന്ന് വയല്ക്കിളികള്. ആര്എസ്എസോ എസ്ഡിപിഐയോ അങ്ങനെ ആരു പിന്തുണച്ചാലും സ്വീകരിക്കുമെന്ന് വയല്ക്കിളി നേതാക്കള് വാര്ത്താ സമ്മേളനത്തില് പറഞ്ഞു. ആറന്മുള സമരത്തില്നിന്ന് ഊര്ജം ഉള്ക്കൊണ്ടാണ് കീഴാറ്റൂര് സമരം മുന്നോട്ടുപോവുന്നതെന്ന് നേതാക്കള് പറഞ്ഞു.
കീഴാറ്റൂര് സമരത്തിനു പിന്നില് ആര്എസ്എസും എസ്ഡിപിഐയുമാണെന്ന് സിപിഎം ആരോപണം ഉന്നയിച്ചതിനു പിന്നാലെയാണ് സുരേഷ് കീഴാറ്റൂരിന്റെ നേതൃത്വത്തില് നേതാക്കള് വാര്ത്താസമ്മേളനം നടത്തി നിലപാടു വ്യക്തമാക്കിയത്. എന്തു വന്നാലും സമരത്തില് നിന്നു പിന്മാറില്ല. ആറന്മുള സമരത്തില്നിന്ന് ഊര്ജം ഉള്ക്കൊണ്ടാണ് കീഴാറ്റൂര് സമരം മുന്നോട്ടുകൊണ്ടുപോവുന്നത്. ആര്എസ്എസോ എസ്ഡിപിഐയോ ആരും പിന്തുണയുമായി വന്നാലും സ്വീകരിക്കും. അല്ലാതെ നിലനില്ക്കാനാവില്ലെന്ന് നേതാക്കള് പറഞ്ഞു.
സുരേഷ് കീഴാറ്റൂരിന്റെ വീടിനു നേരെ ആക്രമണം നടത്തിയവരെ കണ്ടെത്തണമെന്ന് വയല്ക്കിളികള് ആവശ്യപ്പെട്ടു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
