കോതമംഗലം: ഡാം തുറന്നുവിട്ട് ആര്‍ത്തലച്ചു പായുന്ന വെള്ളത്തില്‍ വീശിയ വലയില്‍ കുടുങ്ങിയ മീന്‍ കണ്ട് അവര്‍ അമ്പരന്നു. പതിനെട്ടു കിലോയുള്ള ഭീമന്‍ കട്‌ല. ഭൂതത്താന്‍കെട്ട് ഡാമിനു താഴെ നിന്നാണ് വീശുവലയില്‍ വമ്പന്‍ മത്സ്യം കുടുങ്ങിയത്.
ഡാം തുറന്നുവിട്ടതോടെ മീന്‍പിടിത്തക്കാര്‍ ഏതാണ്ട് തൊഴില്‍രഹിതര്‍ ആയിരിക്കുകയാണ്. കനത്ത മഴയില്‍ ആര്‍ത്തലച്ചുപായുന്ന വെള്ളത്തില്‍ ആര്‍ക്കും മീന്‍ കിട്ടുന്നില്ല. ഒഴുക്കും കലക്കലും ആയതാണ് കാരണം. വീശുവലയിലും മറ്റു മാര്‍ഗങ്ങളില്‍ മീന്‍ പിടിക്കുന്നവര്‍ക്കും മീന്‍ കിട്ടുന്നത് കുറവാണ്.
കഴിഞ്ഞ ദിവസം ഡാമിനു താഴെ വലയിട്ട ഭൂതത്താന്‍കെട്ട് സ്വദേശി തെക്കുംപുറം ജോര്‍ജിനാണ് ഭീമന്‍ കട്‌ലയെ കിട്ടിയത്. ഡാമില്‍നിന്ന് നേരത്തെയും വമ്പന്‍ മത്സ്യങ്ങളെ കിട്ടിയിട്ടുണ്ട്. എന്തായാലും വറുതിക്കാലത്ത് കിട്ടിയ ഭീമന്‍ മീന്‍ കൗതുകമുണര്‍ത്തി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates