ആറ് കോടി രൂപ ലഭിച്ചതാർക്ക്? സമ്മർ ബമ്പർ ഭാ​ഗ്യശാലിയെ കണ്ടെത്താനായില്ല

പാലക്കാട്: സംസ്ഥാന സർക്കാരിന്റെ സമ്മർ ബമ്പർ ഭാഗ്യക്കുറിയിൽ ഒന്നാം സമ്മാനമായ ആറ് കോടി രൂപ ലഭിച്ച ഭാ​ഗ്യശാലിയെ ഇനിയും കണ്ടെത്തിയില്ല. നറുക്കെടുപ്പുഫലം വന്നിട്ട് ഒൻപത് ദിവസം പിന്നിട്ടെങ്കിലും സമ്മാനാർഹമായ ടിക്കറ്റ് ഇതുവരെ ഹാജരാക്കിയിട്ടില്ലെന്നു ലോട്ടറി വകുപ്പ് അറിയിച്ചു.

se 208304 എന്ന നമ്പറിലുളള ടിക്കറ്റിനാണ് ഒന്നാം സമ്മാനമായ ആറ് കോടി രൂപ. ചെർപ്പുളശ്ശേരിക്കടുത്ത് തൂതയിൽ വിറ്റ ടിക്കറ്റിനാണു സമ്മാനം. ഈ മാസം 26നാണു ലോട്ടറി നറുക്കെടുത്തത്. കഴിഞ്ഞ മാർച്ച് 31ന് നറുക്കെടുക്കേണ്ടിയിരുന്ന സമ്മർ ബംപർ ലോക്ഡൗൺ മൂലമാണ് 26നു നറുക്കെടുപ്പ് നടത്തിയത്. നറുക്കെടുപ്പ് കഴിഞ്ഞ് 30 ദിവസത്തിനുള്ളിൽ സമ്മാനാർഹമായ ലോട്ടറി ഹാജരാക്കി സമ്മാനം വാങ്ങണമെന്നാണു നിയമം.