കണ്ണൂർ: സ്പ്രിംഗ്ളർ വിവാദത്തിൽ കെപിസിസി അധ്യക്ഷൻ മുല്ലപ്പള്ളി രാമചന്ദ്രനെതിരെ പരിഹാസവുമായി മന്ത്രി ഇപി ജയരാജൻ. മുല്ലപ്പള്ളി രാമചന്ദ്രനോട് പറഞ്ഞിട്ട് കാര്യമില്ലെന്നും ഇലക്ട്രിക് പോസ്റ്റിന് വെള്ളമൊഴിച്ചിട്ട് കാര്യമുണ്ടോയെന്നും മന്ത്രി ചോദിച്ചു.
കേരളം ലോകത്തിന്റെ മുത്താണ്. അതിൽ അഭിമാനം കൊള്ളാൻ നോക്കുകയാണ് ഉമ്മൻ ചാണ്ടിയും രമേശ് ചെന്നിത്തലയും ചെയ്യേണ്ടത്. മുല്ലപ്പള്ളി രാമചന്ദ്രനോട് ഇതൊന്നും പറഞ്ഞിട്ട് കാര്യമില്ല. ഇലക്ട്രിക് പോസ്റ്റിനു വെള്ളമൊഴിച്ചിട്ട് കാര്യമുണ്ടോ? കോവിഡ് പ്രതിരോധത്തിൽ സർക്കാറിന്റെ പ്രവർത്തനങ്ങളിൽ അസ്വസ്ഥരായ പ്രതിപക്ഷം ഭയന്ന് നിലവിളിക്കുകയാണ്.
ചെന്നിത്തലയും മുല്ലപ്പള്ളിയും വായിൽ തോന്നുന്നത് വിളിച്ചു പറയുകയാണ്. സ്പ്രിംഗ്ളർ ആരോപണത്തിൽ കഴമ്പില്ല. എന്തോ കാര്യമായി വീണുകിട്ടിയ മട്ടിലാണ് പ്രതിപക്ഷമെന്നും മന്ത്രി ഇപി ജയരാജൻ പറഞ്ഞു
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates