തിരുവനന്തപുരം: ഹൈക്കോടതി ഉത്തരവ് സുപ്രീംകോടതി ശരിവെച്ചതിന്റെ പശ്ചാത്തലത്തില്‍ 2107 താത്കാലിക ഡ്രൈവര്‍മാരെ പിരിച്ചുവിട്ട് കെഎസ്ആര്‍ടിസി. മധ്യമേഖലയിലെ 257, വടക്കന്‍മേഖലയിലെ 371, തിരുവനന്തപുരം മേഖലയിലെ 1479 ഡ്രൈവര്‍മാരെയുമാണ് പിരിച്ചുവിട്ടത്.
ഹൈക്കോടതി ഡിവിഷന്‍ ബെഞ്ചിന്റെ വിധി അനുസരിച്ച് താത്കാലികമായി, 180 ദിവസത്തില്‍ കൂടുതലായി ജോലിയില്‍ തുടരുന്ന ഡ്രൈവര്‍മാരെ ഏപ്രില്‍ 30ന് മുന്‍പ് പിരിച്ച് വിടേണ്ടിയിരുന്നു. ഹൈക്കോടതി വിധിക്കെതിരെ സുപ്രീംകോടതിയെ സമീപിച്ചെങ്കിലും എംപാനല്‍ ജീവനക്കാരെ ഒഴിവാക്കണം എന്ന ഹൈക്കോടതി വിധി സുപ്രീംകോടതിയും ശരിവയ്ക്കുകയായിരുന്നു.
പിരിച്ചുവിടുന്നവരെ അടുത്ത 179 ദിവസത്തേക്ക് തിരിച്ചെടുക്കാനുള്ള നടപടി ക്രമങ്ങള്‍ തുടങ്ങിക്കഴിഞ്ഞു. ഇത്രയും പേരെ പിരിച്ചുവിടുന്നത് ബസ് സര്‍വീസുകളെ ബാധിക്കില്ലെന്നാണ് വിലയിരുത്തപ്പെടുന്നത്. പിഎസ് സി ലിസ്റ്റിലുള്ളവരേക്കാള്‍ താത്കാലിക ജീവനക്കാര്‍ തുടരുന്നതിലാണ് കോര്‍പ്പറേഷന്റെ താത്പര്യം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
