കൊച്ചി: വൈപ്പിന്‍ ഗവണ്‍മെന്റ് കോളജില്‍ എസ്എഫ്‌ഐ സംഘര്‍ഷമുണ്ടാക്കിയിട്ടില്ലെന്ന് ജില്ലാ സെക്രട്ടറി അമല്‍. മുഖ്യധാരയില്‍ നില്‍ക്കാനുള്ള ശ്രമങ്ങളാണ് എഐഎസ്എഫ് നടത്തുന്നതെന്ന് അമല്‍ ആരോപിച്ചു. എഐഎസ്എഫ് പ്രവര്‍ത്തകരും മൂന്നാംവര്‍ഷ വിദ്യാര്‍ത്ഥികളും തമ്മിലാണ് സംഘര്‍ഷമുണ്ടായതെന്ന് അമല്‍ പറഞ്ഞു. എഐഎസ്എഫ് പ്രവര്‍ത്തകര്‍പുറത്തുനിന്ന് ആളെയിറക്കി എസ്എഫ്‌ഐ യൂണിറ്റ് സെക്രട്ടറിയുടെ തലയടിച്ചു പൊട്ടിക്കുകയായിരുന്നു എന്ന് അമല്‍ പറഞ്ഞു.
തെരഞ്ഞെടുപ്പ് ക്യാമ്പയിന്‍ പ്രവര്‍ത്തനങ്ങള്‍ക്കിടെയാണ് എസ്എഫ്‌ഐ ആക്രമണം നടത്തിയതെന്ന് എഐഎസ്എഫ് പ്രവര്‍ത്തകര്‍ ആരോപിച്ചിരുന്നു. എഐഎസ്എഫ് യൂണിറ്റ് സെക്രട്ടറി സ്വാലിഹ് അഫ്രീദി, പ്രസിഡന്റ് വിഷ്ണു ടിഎസ് എന്നിവരെ ക്ലാസില്‍ നിന്ന് പിടിച്ചിറക്കി മര്‍ദിച്ചുവെന്ന് എഐഎസ്എഫ് ആരോപിച്ചു.
മൂന്നുവര്‍ഷം മുമ്പ് ആരംഭിച്ച കോളജില്‍, കഴിഞ്ഞവര്‍ഷം എഐഎസ്എഫ് യൂണിറ്റ് രൂപീകരിച്ചിരുന്നു. ഇതിന് പിന്നാലെ നിരന്തരം എസ്എഫ്‌ഐ-എഐഎസ്എഫ് സംഘര്‍ഷം നടക്കുന്ന ക്യാമ്പസാണിത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
