കണ്ണൂര്: സ്കൂളില് വെച്ച് നാലാം ക്ലാസ് വിദ്യാര്ഥിയെ അധ്യാപകന് പീഡിപ്പിച്ചു. പാനൂര് പാലത്തായിലെ സ്കൂളിലെ ശുചിമുറിയില് വെച്ചായിരുന്നു സംഭവം. സംഭവത്തില് അധ്യാപകന് കുനിയില് പത്മരാജനെതിരെ പൊലീസ് പോക്സോ വകുപ്പുകള് പ്രകാരം കേസെടുത്തു. ഇയാള് ഒളിവില് എന്നാണ് പൊലീസ് പറയുന്നത്. ബിജെപിയുടെ തൃപ്പങ്ങോട്ടൂര് പഞ്ചായത്ത് കമ്മിറ്റി അധ്യക്ഷനാണ് ഇയാള്.
വിദ്യാര്ഥിനി പീഡനത്തിന് ഇരയായതായി മെഡിക്കല് പരിശോധനയില് തെളിഞ്ഞിട്ടുണ്ട്. സ്കൂളില് ശുചിമുറിയില് കൊണ്ടു പോയാണ് പീഡിപ്പിച്ചതെന്നാണ് വിദ്യാര്ഥിനിയുടെ മൊഴി. അവധി ദിനമായ ശനിയാഴ്ച സ്കൂളില് എന്എസ്എസ് ക്ലാസുണ്ടെന്ന് പറഞ്ഞാണ് അധ്യാപകന് വിദ്യാര്ത്ഥിനിയെ സ്കൂളിലേക്ക് വിളിപ്പിച്ചതും പിന്നെ പീഡിപ്പിച്ചതും.
പീഡനത്തിന് ശേഷം വിവരം പുറത്തു പറഞ്ഞാല് കൊല്ലുമെന്ന് അധ്യാപകന് ഭീഷണിപ്പെടുത്തിയതായി പീഡനത്തിന് ഇരയായ വിദ്യാര്ത്ഥിനിയുടെ മാതൃസഹോദരി മാധ്യമങ്ങളോട് പറഞ്ഞു. മൂന്ന് തവണ പീഡിപ്പിച്ചെന്നാണ് വിദ്യാര്ത്ഥിനി പറഞ്ഞതെന്നും മാതൃസഹോദരി വെളിപ്പെടുത്തുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
