കാലവര്ഷക്കെടുതിയെത്തുടര്ന്ന് സംസ്ഥാനത്തെ എട്ട് ജില്ലകളില് അതീവ ജാഗ്രത തുടരുന്നു. കാസര്കോട് ജില്ലയിലും റെഡ് അലര്ട്ട് പ്രഖ്യാപിച്ചിട്ടുണ്ട്. ദുരിതപ്പെയ്ത്തില് മരിച്ചവരുടെ എണ്ണം 48 ആയി. വീടുകളില് വെള്ളം കയറിയതിനെത്തുടര്ന്ന് നിരവധി പേരാണ് ദുരിതാശ്വാസ ക്യാംപുകളില് അഭയം തേടിയിരിക്കുന്നത്. അതിനിടെ സഹായവുമായി നടന് ടൊവിനോ തോമസ്.
കഴിഞ്ഞ പ്രളയകാലത്ത് പറഞ്ഞതുപോലെ തന്റെ വീട് സുരക്ഷിതമാണെന്നും ഇങ്ങോട്ട് വരാമെന്നും ടൊവിനോ ഇന്സ്റ്റഗ്രാമില് കുറിച്ചു. ദുരുപയോഗം ചെയ്യില്ലെന്നാണ് പ്രതീക്ഷയെന്നും പോസ്റ്റ് ചെയ്ത ചിത്രത്തിനൊപ്പം ടൊവിനോ കുറിച്ചു.
'എന്റെ വീട്ടിലേക്ക് പോരൂ എന്ന സന്ദേശം കാത്തുനില്ക്കാതെ വെള്ളം കയറാത്ത ഏത് വീട് കണ്ടാലും കയറിക്കൊള്ളൂ, മനുഷ്യരാരും നിങ്ങളെ ഇറക്കിവിടില്ല' എന്നെഴുതിയ ചിത്രത്തിനൊപ്പമാണ് ടൊവിനോയുടെ കുറിപ്പ്. നമുക്ക് ഒന്നിച്ച് അതിജീവിക്കാം എന്ന ഹാഷ്ടാഗും കുറിപ്പിനൊപ്പമുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates