പത്തനംതിട്ട; വാഹനാപകടത്തെത്തുടര്‍ന്ന് ഗുരുതരമായി പരുക്കേറ്റ് കിടപ്പിലായിരുന്ന എസ്എഫ്‌ഐ നേതാവ് സാജന്‍ മാത്യു അന്തരിച്ചു. എസ്എഫ്‌ഐ ഇടുക്കി ജില്ലാ മുന്‍സെക്രട്ടറിയും സിപിഎം മൂന്നാര്‍ ഏരിയാ കമ്മിറ്റിയംഗവുമായിരുന്ന സാജന്‍ എട്ടു വര്‍ഷം മുന്‍പാണ് വാഹനാപകടമുണ്ടാകുന്നത്. അരയ്ക്കുതാഴെ തളര്‍ന്ന് വീട്ടില്‍ കഴിയുകയായിരുന്നു. ശനിയാഴ്ച പുലര്‍ച്ചെയായിരുന്നു മരണം.
രക്തത്തില്‍ സോഡിയത്തിന്റെ അളവ് കുറഞ്ഞതിനേത്തുടര്‍ന്ന് കോഴഞ്ചേരിയിലെ ആശുപത്രിയില്‍ ചികിത്സയിലായിരുന്നു. 2012 ല്‍ തമിഴ്‌നാട്ടിലെ രാമനാഥപുരത്ത് നടന്ന എസ്എഫ്‌ഐ ദേശീയ സമ്മേളനത്തില്‍ പങ്കെടുത്ത് മടങ്ങുമ്പോള്‍, സാജനും കൂട്ടുകാരും സഞ്ചരിച്ചിരുന്ന കാര്‍ നിയന്ത്രണംവിട്ട് മറിയുകയായിരുന്നു. സാജനൊപ്പമുണ്ടായിരുന്ന എസ്എഫ്‌ഐ സംസ്ഥാന കമ്മിറ്റിയംഗം സതീഷ് പോള്‍, എംജി യൂണിവേഴ്‌സിറ്റി യൂണിയന്‍ മുന്‍ ചെയര്‍മാന്‍ ജിനീഷ് എന്നിവര്‍ അപകടത്തില്‍ മരിച്ചു.
സഹോദരി നിഷയുടെ ഭര്‍ത്താവ് ആറന്മുള തറയില്‍മുക്ക് റോയിയുടെ വീട്ടിലാണ് സാജനെ പരിചരിച്ചിരുന്നത്. മുണ്ടക്കയം പെരുവന്താനം കളരിക്കല്‍ കെ.സി. മാത്യുവാണ് അച്ഛന്‍. മേരിക്കുട്ടിയാണ് അമ്മ.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
