എസ്എസ്എൽസി മൂല്യനിർണയം ഇന്നു മുതൽ; ആശങ്കയിൽ അധ്യാപകർ 

തിരുവനന്തപുരം: എസ്എസ്എൽസി മൂല്യനിർണയം ഇന്നു ആരംഭിക്കുന്നു. 54 കേന്ദ്രങ്ങളിലാണ് മൂല്യനിർണയം നടക്കുക. ഹോട്സ്പോട്ടുകളിൽ ക്യാംപുകൾ പ്രവർത്തിക്കുന്നതു സംബന്ധിച്ചുള്ള വ്യക്തതക്കുറവും ക്യാംപുകളിൽ എത്താൻ ഗതാഗത സൗകര്യമില്ലാത്തതും അധ്യാപകരെ ആശങ്കയിലാക്കുകയാണ്. മൂന്നിലൊന്ന് അധ്യാപകരെങ്കിലും മൂല്യനിർണയത്തിന് എത്തുമെന്നാണ് അധികൃതരുടെ പ്രതീക്ഷ. 

പൊതുഗതാഗതം ഇല്ലെങ്കിലും ഹയർസെക്കൻഡറി പരീക്ഷയുടെ മൂല്യനിർണയം വളരെ കുറച്ച് അധ്യാപകരുമായി നടത്തുകയാണ്. ക്യാംപുകളിൽ മുൻകരുതൽ സ്വീകരിക്കുന്നുണ്ടെങ്കിലും കോവിഡ് വ്യാപനം രൂക്ഷമായാൽ അധ്യാപകരെയും ബാധിക്കാം.