തിരുവനന്തപുരം: ദുബൈയില്‍ നിന്ന് എമിറേറ്റഴ്‌സ് വിമാനത്തില്‍ തിരുവനന്തപുരത്ത് എത്തിച്ച രണ്ട് കിലോ സ്വര്‍ണം ഡിആര്‍ഐ പിടികൂടി. സംഭവുമായി ബന്ധപ്പെട്ട് രണ്ട് പേര്‍ അറസ്റ്റിലായി. വഞ്ചിയൂര്‍ ക്രൈം എസ്‌ഐ സഫീര്‍, സഹയാത്രിക പ്രിജി സിമി എന്നിവരാണ് അറസ്റ്റിലായത്. ഇവരുടെ സീറ്റിനടിയില്‍ നിന്നാണ് സ്വര്‍ണം പിടികൂടിയത്.
ഈ സീറ്റില്‍ യാത്ര ചെയ്ത വഞ്ചിയൂര്‍ ക്രൈം എസ്‌ഐ സഫീറിനെ കസ്റ്റംസ് ചോദ്യം ചെയ്യുകയാണ്. സഫീറിനൊപ്പമുണ്ടായിരുന്ന വനിതാ സുഹൃത്തിനെയും ചോദ്യം ചെയ്യുന്നുണ്ട്. സ്വര്‍ണം കണ്ടെത്തിയ സീറ്റിന്റെ അതേ നിരയിലുണ്ടായിരുന്ന മറ്റ് യാത്രക്കാരുടെയും മെഴിയെടുക്കും.
തിങ്കളാഴ്ച പുലര്‍ച്ചെ നാലുമണിക്ക് തിരുവനന്തപുരത്ത് എത്തിയ വിമാനത്തിലെ യാത്രക്കാരായിരുന്നു ഇരുവരും. ഇരുവരും ദുബൈയില്‍ ഒരുമിച്ചുണ്ടായിരുന്നതായും യാത്രാടിക്കറ്റ് ബുക്ക് ചെയ്തതും ഒരുമിച്ചാണെന്ന് പ്രാഥമികാന്വേഷണത്തില്‍ വ്യക്തമായതായാണ് സൂചന.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
