ന്യൂഡെല്ഹി: രാജധാനി, ശതാബ്ദി ട്രയിനുകളില് സാധാരണ നിരക്കില് യാത്രചെയ്യാന് സൗകര്യമൊരുക്കി റയില്വെ. എക്സ് പ്രസ്, മെയില് ട്രയിനുകളില് ബുക്ക് ചെയ്തവര്ക്ക് രാജധാനി, ശതാബ്ദി ട്രയിനുകളില് യാത്ര ചെയ്യാന് കഴിയുന്ന തരത്തില് പദ്ധതിക്ക് ഏപ്രില് ഒന്നിന് തുടക്കമാകും. വികല്പ് എന്ന പേരിലാണ് കേന്ദ്രസര്ക്കാര് പദ്ധതി ആവിഷ്കരിക്കുന്നത്.
പദ്ധതിയുടെ അടിസ്ഥാനത്തില് എക്സപ്രസ്, മെയില് ട്രയിനുകളില് വെയിറ്റിംഗ് ലിസ്റ്റില് ഇടം പിടിച്ചവര്ക്ക് അതേ സ്ഥലത്തേക്ക് അടുത്ത ട്രയിനുകളില് യാത്ര തുടരാം. യാത്രക്ക് അധികനിരക്ക് നല്കേണ്ടതില്ലെന്നതാണ് ഇതിന്റെ മറ്റൊരു സൗകര്യം. അതിനായി ചെയ്യേണ്ടത് ടിക്കറ്റ് ബുക്ക് ചെയ്യുമ്പോള് ഇതിനായി പ്രത്യേക അപേക്ഷ നല്കണമെന്നുമാത്രം. എന്നാല് രാജധാനി, ശതാബ്ദി ട്രയിനുകളില് സീറ്റ് ഒഴിവുണ്ടെങ്കില് മാത്രമെ യാത്രകള്ക്ക് അവസരം ലഭിക്കുകയുള്ളു. മറ്റ് ട്രയിനുകളിലും സീറ്റ് ഒഴിവുണ്ടെങ്കില് ഇത്തരത്തില് യാത്ര ചെയ്യാന് കഴിയും.
വിവിധ കാരണങ്ങളാല് യാത്രക്കാര് റെയില്വെ ടിക്കറ്റുകള് റദ്ദാക്കുന്നതിനെ തുടര്ന്ന് റെയില്വെ ഒരു വര്ഷം 75,000 കോടി രൂപയാണ് തിരിച്ചുനനല്കേണ്ടി വരുന്നത്. റെയില് യാത്രക്കാരുമായി സൗഹൃദം സ്ഥാപിക്കുന്നതിലുടെ ഇതില് മാറ്റമുണ്ടാകുമെന്നാണ് റയില്വെയുടെ വിലയിരുത്തല്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
