പൊന്നാനി: പൊന്നാനിയില്‍ നിന്ന് മത്സ്യ ബന്ധനത്തിന് പോയ ബോട്ട് മുങ്ങി കടലില്‍ കാണാതായ ആറ് മത്സ്യ തൊഴിലാളികളെയും രക്ഷപ്പെടുത്തി. തൃശൂര്‍ ജില്ലയിലെ ചാവക്കാടിന് അടുത്തുവെച്ചാണ് ഇവരെ കണ്ടെത്തിയത്. തെരച്ചിലിനിറങ്ങിയ മത്സ്യ തൊഴിലാളികളാണ് ഇവരെ കണ്ടെത്തിയത്. ആറ് മണിയോടെ ഇവരെ കരയിലെത്തിക്കാന്‍ സാധിക്കുമെന്നാണ് മത്സ്യത്തൊഴിലാളികള്‍ അറിയിച്ചിട്ടുള്ളത്. എന്നാല്‍ ഇവരെ രക്ഷപ്പെടുത്തിയതായി പൊലീസ് സ്ഥിരീകരിച്ചിട്ടില്ല.
ഞായറാഴ്ച രാത്രി പത്തുമണിയോടെ ഇവര്‍ കടലില്‍ പോയ ബോട്ട് മുങ്ങുകയായിരുന്നു. നാസര്‍, സുബൈര്‍, മുനവീര്‍, സഫീര്‍, കുഞ്ഞാന്‍ ബാവ, ഒരു ഇതര സംസ്ഥാന തൊഴിലാളി എന്നിവരാണ് അപകടത്തില്‍പ്പെട്ടത്. ബോട്ട് പൂര്‍ണമായും മുങ്ങിപ്പോയി.
ഇവര്‍ക്കായി കോസ്റ്റ് ഗാര്‍ഡ് തെരച്ചില്‍ നടത്തിയെങ്കിലും കണ്ടെത്താന്‍ സാധിച്ചില്ല. ഇതേത്തുടര്‍ന്ന് പൊന്നാനിയിലെ മത്സ്യ തൊഴിലാളികള്‍ സ്വമേധയാ ബോട്ടുകളില്‍ ഇവരെ തിരക്കി കടലില്‍ ഇറങ്ങുകയായിരുന്നു. ന്യൂനമര്‍ദത്തെ തുടര്‍ന്നുണ്ടായ ശക്തമായ കടല്‍ക്ഷോഭത്തില്‍ പെട്ടാണ് ഇവരുടെ ബോട്ട് മുങ്ങിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
