ഒരു ഭാഷയും അടിച്ചേൽപ്പിക്കേണ്ടതില്ല, ഒരു ഭാഷയെയും എതിർക്കേണ്ടതില്ലെന്നും ഉപരാഷ്ട്രപതി

കോട്ടക്കൽ: രാജ്യത്ത് ഒരു ഭാഷയും നിർബന്ധപൂർവം അടിച്ചേൽപിക്കേണ്ടതില്ലെന്ന് ഉപരാഷ്ട്രപതി വെങ്കയ്യനായിഡു. ഭാഷ അടിച്ചേൽപ്പിക്കുന്നതു സംബന്ധിച്ച് ഇപ്പോഴുള്ള വിവാദം അനാവശ്യമാണെന്ന് ഉപരാഷ്ട്രപതി പറഞ്ഞു. വൈദ്യരത്​നം പി.എസ്. വാര്യരുടെ 150ാം ജന്മദിനാഘോഷ പരിപാടികളുടെ ഉദ്ഘാടനത്തിനായി കേരളത്തിൽ എത്തിയതാണ് ഉപരാഷ്ട്രപതി. 

ഇപ്പോഴുളള വിവാദം അനാവശ്യമാണ്. പരമാവധി ഭാഷകൾ നമ്മൾ പഠിക്കണം. ഒരു ഭാഷയും എതിർക്കപ്പെടേണ്ടതല്ല. കുട്ടികൾ മാതൃഭാഷ പഠിക്കണം. കേരളത്തിൻെറ മാതൃഭാഷ മലയാളമാവട്ടെയെന്നും അദ്ദേഹം പറഞ്ഞു.