തിരുവനന്തപുരം: മോദി സ്തുതിയില്‍ സംസ്ഥാന കോണ്‍ഗ്രസില്‍ നേതൃത്വത്തില്‍ രൂപപ്പെട്ട പോര് അവസാനിക്കുന്നില്ല. ശശി തരൂരിനെതിരെ കെ മുരളധീരന്‍ വീണ്ടും രംഗത്തെത്തി. ഓക്‌സ്‌ഫോര്‍ഡ് ഇംഗ്ലീഷ് അറിയാത്ത നേതാക്കളും ജയിച്ചിട്ടുണ്ടെന്ന് മുരളധീരന്‍ പറഞ്ഞു. തിരുവനന്തപുരം കോണ്‍ഗ്രസ് മണ്ഡലമാണ്. മോദിക്കെതിരായ വികാരമാണ് തരൂരിന്റെ വിജയിത്തിന് കാരണമായതെന്നും മുരളീധരന്‍ പറഞ്ഞു.
ഓക്‌സ്‌ഫോര്‍ഡ് ഇംഗ്ലീഷ് അറിയാത്ത കോണ്‍ഗ്രസ് നേതാവ് എ ചാള്‍സ് മൂന്നുതവണ ഇവിടെനിന്നും ലോക്‌സഭയിലേക്ക് തെരഞ്ഞെടുക്കപ്പെട്ടിട്ടുണ്ടെന്നും മുരളീധരന്‍ പറഞ്ഞു. മോദിയെ താന്‍ വിമര്‍ശിച്ചത് ഓക്‌സ്‌ഫോര്‍ഡ് ഇംഗ്ലീഷില്ല. കോണ്‍ഗ്രസിന് പുറത്തുപോയെങ്കിലും താന്‍ ബിജെപിയെ അനുകൂലിച്ച് സംസാരിച്ചിട്ടില്ലെന്നും അദ്ദേഹം വാര്‍ത്താ സമ്മേളനത്തില്‍ പറഞ്ഞു.
ശശി തരൂര്‍ നല്‍കിയ വിശദീകരണം തൃപ്തികരമാണെന്ന് കരുതിയത് കൊണ്ടാകും പാര്‍ട്ടി അദ്ദേഹത്തിനെതിരെ നടപടി എടുക്കേണ്ടെന്ന് തീരുമാനിച്ചതെന്നും എന്നാല്‍ താന്‍ നിലപാടില്‍ ഉറച്ചുനില്‍ക്കുന്നതായും മുരളീധരന്‍ വ്യക്തമാക്കി.
മോദി സ്തുതിയുമായി ബന്ധപ്പെട്ട വിവാദം അവസാനിപ്പിക്കാന്‍ കെപിസിസി ഔദ്യോഗികമായി തീരുമാനിച്ചതിന് ശേഷമാണ് മുരളധീരന്‍ വീണ്ടും തരൂരിന് എതിരെ രംഗത്ത് വന്നിരിക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
