ഓടികൊണ്ടിരുന്ന സ്കൂൾ ബസിന്റെ ചക്രങ്ങൾ ഊരിപ്പോയി; താക്കീതുമായി മന്ത്രി 

തൃശൂർ: കാഞ്ഞാണിയിൽ ഓടികൊണ്ടിരുന്ന സ്കൂൾ ബസിന്റെ പിൻചക്രങ്ങൾ ഊരിപ്പോയി. കുട്ടികൾ അത്ഭുതകരമായി രക്ഷപ്പെട്ടു. അപകടത്തിന് പിന്നാലെ ഇതുവഴി വന്ന മന്ത്രി വി എസ് സുനിൽകുമാർ  കയ്യോടെ സ്കൂൾ മാനേജ്മെൻറിനെ താക്കീത് ചെയ്യാൻ നിർദ്ദേശം നൽകി

രാവിലെ 9.20നായിരുന്നു സംഭവം. എറവ് സെന്റ് ജോസഫ് സ്കൂളിന്റെ ബസാണ് അപകടത്തിൽപ്പെട്ടത്. നാലു പിൻചക്രങ്ങളും ഊരി പോയി. ചക്രത്തിന്റെ ഓരോ ഭാഗങ്ങൾ റോഡിൽ വീണിരുന്നു. ബസ് മറിയാതിരുന്നതിനാൽ വിദ്യാർഥികൾ പരുക്കേൽക്കാതെ രക്ഷപ്പെടുകയായിരുന്നു.

ബസിൽ 83 വിദ്യാർഥികളുണ്ടായിരുന്നു. അപകടത്തിന് പിന്നാലെ ഇതുവഴി വന്ന മന്ത്രി വി എസ് സുനിൽകുമാർ സംഭവത്തിൽ ഇടപെടുകയായിരുന്നു.സ്കൂൾ മാനേജ്മെൻറിനെ താക്കീത് ചെയ്യാൻ അധികൃതർക്ക് മന്ത്രി നിർദേശം നൽകി.