കണ്ടെയെന്‍മെന്റ് സോണുകളിലെ കടകള്‍ നാളെ രാവിലെ 9മുതല്‍ 7വരെ പ്രവര്‍ത്തിക്കാം, തൃശൂരില്‍ ഇളവ്

തൃശൂര്‍: ജില്ലയിലെ  കണ്ടെയിന്‍മെന്റ് സോണുകളിലെ പലചരക്ക്, പച്ചക്കറി കടകള്‍ എന്നിവ നാളെമാത്രം രാവിലെ 9 മണി മുതല്‍ വൈകിട്ട് 7 വരെ പ്രവര്‍ത്തിക്കാമെന്ന് ജില്ലാ കലക്ടര്‍ എസ് ഷാനവാസ്  അറിയിച്ചു. കോവിഡ് വ്യാപനത്തിന്റെ പശ്ചാത്തലത്തില്‍ മെയ് 8 മുതല്‍ സംസ്ഥാനത്ത് ലോക്ക്ഡൗണ്‍ പ്രഖ്യാപിച്ച സാഹചര്യത്തിലാണ് നടപടി. 

ദൈനംദിന ആവശ്യങ്ങള്‍ നിറവേറ്റുന്നതിനു വേണ്ടിമാത്രമാണ്  ഇളവനുവദിക്കുക. നിര്‍ദ്ദേശങ്ങള്‍ ലംഘിക്കുന്നവര്‍ക്കെതിരെ നിയമ നടപടികള്‍ സ്വീകരിക്കുന്നതാണെന്നും സെക്ട്രല്‍ മജിസ്ട്രേറ്റുമാരും തദ്ദേശ സ്വയംഭരണ അധികൃതരും പോലീസും ഇക്കാര്യം ഉറപ്പു വരുത്തണമെന്നും കലക്ടര്‍ അറിയിച്ചു.