കണ്ണൂര്‍ നഗരസഭ: ഡെപ്യൂട്ടി മേയര്‍ പികെ രാഗേഷിനെതിരായ എല്‍ഡിഎഫ് അവിശ്വാസപ്രമേയം പരാജയപ്പെട്ടു

കണ്ണൂര്‍: കണ്ണൂര്‍ കോര്‍പ്പറേഷന്‍ ഡെപ്യൂട്ടി മേയര്‍ പി കെ രാഗേഷിനെതിരായ ഇടതുമുന്നണിയുടെ അവിശ്വാസപ്രമേയം പരാജയപ്പെട്ടു.യുഡിഎഫ് വോട്ടെടുപ്പ് ബഹിഷ്‌ക്കരിച്ചു.ആകെയുള്ള 55 കൗണ്‍സിലര്‍മാരില്‍ 28 പേരുടെ പിന്തുണ ഉണ്ടെങ്കിലേ അവിശ്വാസപ്രമേയം പാസാകു എന്നിരിക്കെ എല്‍ഡിഎഫിന്റെ 26 വോട്ടുകള്‍ മാത്രമാണ് ലഭിച്ചത്.

അവിശ്വാസപ്രമേയത്തില്‍ പി കെ രാഗേഷിനോട് എതിര്‍പ്പുള്ള യുഡിഎഫ് അംഗങ്ങള്‍ പ്രമേയത്തെ പിന്തുണയ്ക്കുമെന്നാണ് എല്‍ഡിഎഫിന്റെ പ്രതീക്ഷ. എന്നാല്‍ ഇത് ഉണ്ടായില്ല.

നേരത്തെ എല്‍ഡിഎഫ് മേയര്‍ക്കെതിരായ യുഡിഎഫിന്റെ അവിശ്വാസ പ്രമേയം ഡെപ്യൂട്ടി മേയര്‍ പി കെ രാഗേഷ് കൂറുമാറി പിന്തുണച്ചതോടെ വിജയിച്ചിരുന്നു.