കൊച്ചി: മരട് ഫ്ളാറ്റുകളുടെ കാര്യത്തില് തങ്ങള്ക്ക് ഇനി ഉത്തരവാദിത്തമില്ലെന്ന് നിര്മാതാക്കള്. ഇക്കാര്യം ചൂണ്ടിക്കാട്ടി മരട് നഗരസഭയ്ക്ക് ഫ്ളാറ്റ് നിർമാതാക്കള് മറുപടി കത്ത് നല്കി. ഫ്ളാറ്റുകള് നിയമാനുസൃതമായി ഉടമകള്ക്ക് വിറ്റതാണെന്നും പദ്ധതിയുമായി ഇപ്പോള് തങ്ങള്ക്ക് ബന്ധമില്ലെന്നും നിര്മാതാക്കള് കത്തില് പറയുന്നു. ഉടമകള് തന്നെയാണ് നികുതി അടയ്ക്കുന്നതെന്നും തങ്ങള്ക്ക് നോട്ടീസ് നല്കിയതിന്റെ കാരണം മനസ്സിലാകുന്നില്ലെന്ന് നിര്മാതാക്കള് പറയുന്നു.
മരടിലെ ഫ്ളാറ്റുകളില് നിന്ന് കുടുംബങ്ങള്ക്ക് ഒഴിയാനുള്ള നഗരസഭ നോട്ടീസിന്റെ കാലാവധി ഇന്ന് അവസാനിക്കും. എന്നാല് താമസക്കാരെ ആര് ഒഴിപ്പിക്കുമെന്നതില് സര്ക്കാരില്നിന്ന് യാതൊരു അറിയിപ്പും നഗരസഭയ്ക്ക് ലഭിച്ചിട്ടില്ല. ഈമാസം ഇരുപതിനകം 4 പാര്പ്പിടസമുച്ഛയങ്ങള് പൊളിച്ചുമാറ്റി റിപ്പോര്ട്ട് സമര്പ്പിക്കണമെന്ന സുപ്രീംകോടതി ഉത്തരവ് നടപ്പാക്കുന്നതിനാണ് കുടുംബങ്ങളെ ഒഴിപ്പിക്കാനുള്ള നടപടി തുടങ്ങിയത്. 343 ഫ്ളാറ്റുകളിലായി 1472 പേരെ പുനരവധിവസിപ്പിക്കേണ്ടി വരുമെന്ന് മരട് നഗരസഭ ജില്ലാ കളക്ടര്ക്ക് റിപ്പോര്ട്ട് നല്കിയിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
