തിരുവനന്തപുരം: തല്‍ക്കാലം ജെഡിഎസുമായി ജെഡിയുമായി ലയനത്തിനില്ലെന്ന് എംപി വീരേന്ദ്രകുമാര്‍. രാജ്യസഭയിലേക്ക് ഒഴിവുവന്ന സീറ്റില്‍ മത്സരിക്കാന്‍ ജെഡിയുവിനെ തീരുമാനിച്ചതിന് പിന്നാലെയാണ് നിലപാട് വ്യക്തമാക്കി വീരേന്ദ്രകുമാര്‍ രംഗത്തുവന്നത്.
ജെഡിഎസ് കര്‍ണാടകയില്‍ ബിജെപിക്കൊപ്പമാണെന്നാണ് അറിയാന്‍ കഴിഞ്ഞത്. പിന്നെ എങ്ങനെയാണ് അവര്‍ക്ക് കേരളത്തില്‍ എല്‍ഡിഎഫിന്റെ ഭാഗമാകാന്‍ കഴിയുന്നതെന്നും വീരേന്ദ്രകുമാര്‍ ചോദിച്ചു. രാജ്യസഭാ സീറ്റില്‍ സ്ഥാനാര്‍ത്ഥിയെ ഇന്നുതന്നെ തീരുമാനിക്കുമെന്നും വീരേന്ദ്രകുമാര്‍ പറഞ്ഞു.
ജെഡിയു അഖിലേന്ത്യാ നേതൃത്വം നിതീഷ് കുമാറിന്റെ നേതൃത്വത്തില്‍ ബിജെപി ക്യാംപിലേക്ക് പോയതില്‍ പ്രതിഷേധിച്ചായിരുന്നു എം പി വീരേന്ദ്രകുമാര്‍ രാജ്യസഭാംഗത്വം രാജിവെച്ചത്
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
