കശ്മീര്‍: ജമ്മുകശ്മിരിലെ അനന്ത്‌നാഗ് ജില്ലയില്‍ ഭീകരാക്രമണത്തില്‍ അഞ്ച്
ജവാന്‍മാര്‍ക്ക് വീരമൃത്യു. സിആര്‍പിഎഫ് ജവാന്‍മാരുടെ സംഘത്തിന് നേരെ ആക്രമണം നടത്തുകയായിരുന്നു. ഏറ്റുമുട്ടല്‍ തുടരുകയാണ്.അല്‍ ഉമര്‍ മുജാഹിദീന്‍ സ്‌ഫോടനത്തിന്റെ ഉത്തരവാദിത്തം ഏറ്റെടുത്തു.
കെപി ചൗക്കിലെ ബസ്സ് സ്റ്റാന്റിന് സമീപത്തുവെച്ചായിരുന്നു ആക്രമണം. സൈന്യത്തിന്റെ വെടിവെപ്പില്‍ ഒരു ഭീകരന്‍ കൊല്ലപ്പെട്ടു. ജൂലായ് ഒന്നിന് അമര്‍നാഥ് യാത്ര ആരഭിക്കാനിരിക്കെയാണ് ആക്രമണം.
ആക്രമണത്തില്‍ നിരവധി സിആര്‍പിഎഫുകാര്‍ക്ക് പരുക്കേറ്റതായാണ് റിപ്പോര്‍ട്ടുകള്‍. പരുക്കേറ്റവരെ സമീപത്തെ ആശുപത്രിയില്‍ പ്രവേശിപ്പിച്ചിട്ടുണ്ട്. പ്രദേശം സൈന്യം വളഞ്ഞിട്ടുണ്ട്. സമീപത്ത് കൂടുതല്‍ സൈന്യം എത്തിച്ചേരുമെന്നാണ് റിപ്പോര്‍ട്ടുകള്‍.
ഈ വര്‍ഷം ആദ്യം പുല്‍വാമയിലുണ്ടായ ഭീകരാക്രമണത്തില്‍ 40 സൈനികര്‍ കൊല്ലപ്പെട്ടിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
