കാലവർഷം ; സംസ്ഥാനത്ത് റെഡ് അലർട്ട് പിൻവലിച്ചു, ജാ​ഗ്രത പാലിക്കാൻ നിർദ്ദേശം 

തിരുവനന്തപുരം: തെക്കുപടിഞ്ഞാറൻ മൺസൂണിന്റെ പശ്ചാത്തലത്തിൽ സംസ്ഥാനത്ത് പ്രഖ്യാപിച്ചിരുന്ന റെഡ് അലർട്ട് പിൻവലിച്ചു. തിങ്കൾ മുതൽ ബുധൻ വരെ ഓറഞ്ച് അലർട്ട് നിലനിൽക്കുമെന്നും കേന്ദ്ര കാലാവസ്ഥാ നിരീക്ഷണ കേന്ദ്രം വ്യക്തമാക്കി.

തിങ്കളാഴ്ച മുതൽ കാലവർഷം ശക്തിപ്രാപിക്കുമെന്നും എറണാകുളം മലപ്പുറം ജില്ലകളിൽ 115 സെന്റീ മീറ്റർ മുതൽ 204 സെന്റീ മീറ്റർ വരെ മഴ ലഭിച്ചേക്കാമെന്നും മുന്നറിയിപ്പുണ്ട്.  ചൊവ്വാഴ്ച (ജൂൺ 11)തൃശ്ശൂർ, മലപ്പുറം, എറണാകുളം ജില്ലകളിലും ശക്തമായ മഴയ്ക്ക് സാധ്യത പ്രവചിക്കപ്പെട്ടിട്ടുണ്ട്. മറ്റ് ജില്ലകളിൽ താരതമ്യേനെ ശക്തമായ മഴയ്ക്കാണ് സാധ്യതയുള്ളത്. 

കാലാവസ്ഥയിലെ മാറ്റങ്ങൾക്ക് അനുസരിച്ച് മുന്നറിയിപ്പുകളിലും അലർട്ടുകളിലും മാറ്റമുണ്ടാകുമെന്നും കാലാവസ്ഥാ നിരീക്ഷണ കേന്ദ്രം അറിയിച്ചു. ജനങ്ങൾ ജാ​ഗ്രത പാലിക്കണമെന്നും സർക്കാർ നിർദ്ദേശങ്ങൾ ശ്രദ്ധിക്കണമെന്നും മുന്നറിയിപ്പിൽ പറയുന്നു.