'കിളിവാതിൽ തുറന്നിട്ട്' ശുചിമുറി; പരശുറാം എക്സ്പ്രസിലെ ടോയ്‌ലെറ്റില്‍ വൻ ദ്വാരം, കണ്ടില്ലെന്ന് നടിച്ച് റെയിൽവേ

തിരുവനന്തപുരം: മംഗളൂരു – നാഗർകോവിൽ പരശുറാം എക്സ്പ്രസിലെ ശുചിമുറിയിൽ പുറത്ത് നിന്ന് കാണാവുന്ന വിധം വലിയ ദ്വാരം. ശുചിമുറിയിലെ പൈപ്പ് അറ്റകുറ്റപ്പണിക്കായി ബോ​ഗിയിൽ നിർമിച്ച ദ്വാരമാണ് സ്വകാര്യതയ്ക്ക് തടസ്സമാകുന്നത്.

ബോഗിയുടെ അകത്തുനിന്ന് ശുചിമുറിയുടെ ഉൾവശം കാണാവുന്ന രീതിയിലാണു ദ്വാരം. പരശുറാം എക്സ്പ്രസിലെ സി 2 കോച്ചിലാണു ദ്വാരം കണ്ടെത്തിയത്. പൈപ്പ് ഘടിപ്പിക്കാൻ തുളച്ച ഭാഗം കൂടുതൽ നീങ്ങിയതാണ് കാരണം. തുള വീണ ഭാഗം കൂട്ടിച്ചേർക്കാവുന്നതാണെങ്കിലും ചെയ്തിട്ടില്ല.