തിരുവനന്തപുരം: സഹകരണ വകുപ്പിനു കീഴില്‍ തുടങ്ങാനിരിക്കുന്ന കേരള സഹകരണ ബാങ്ക് നിലവില്‍ വരേണ്ട സമയമായെന്ന് സഹകരണ മന്ത്രി കടകംപുള്ളി സുരേന്ദ്രന്‍. രാജ്യത്തെ സ്വകാര്യ ബാങ്കുകളും എസ്ബിഐയും ചേര്‍ന്ന് ജനങ്ങളെ ചൂഷണം ചെയ്യുന്ന സാഹചര്യത്തില്‍ ബദല്‍ മാര്‍ഗം ഉടന്‍ ആരംഭിക്കണം. ജനങ്ങളെ പിഴിയാനുള്ള എസ്ബി ഐയുടെ തീരുമാനം അംഗീകരിക്കാനാവില്ലെന്നും അദ്ദേഹം പറഞ്ഞു.
എസ്ബിടി- എസ്ബിഐ ലയനത്തെ അനുകൂലിച്ചവര്‍ക്കുള്ള മറുപടിയായി കേരളത്തിന്റെ ബാങ്ക് രൂപീകരിക്കണമെന്നും മന്ത്രി കൂട്ടിച്ചേര്‍ത്തു. മന്ത്രിസഭയുടെ തീരുമാനപ്രകാരം അടുത്ത വര്‍ഷമാകുമ്പോഴേക്കും കേരള സഹകരണ ബാങ്ക് ആരംഭിക്കേണ്ടതാണ്. അടുത്ത സാമ്പത്തിക വര്‍ഷത്തില്‍ ബാങ്കിന്റെ പ്രവര്‍ത്തനം ആരംഭിക്കുമെന്ന് കഴിഞ്ഞ ബജറ്റില്‍ അറിയിച്ചിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
