മലപ്പുറം: കൊണ്ടോട്ടി താലൂക്ക് നിയന്ത്രിതമേഖലയായി പ്രഖ്യാപിച്ചതിനാൽ കാലിക്കറ്റ് സർവകലാശാലയ്ക്ക് ഇന്ന് അവധി. അടുത്ത ദിവസങ്ങളിലെ പ്രവർത്തനം ജില്ല ഭരണകൂടവുമായി ചർച്ചചെയ്ത് തീരുമാനിക്കുമെന്ന് അധികൃതർ അറിയിച്ചു. ഇന്നലെമാത്രം കൊണ്ടോട്ടിയിൽ 53 പേര്‍ക്കാണ് സമ്പര്‍ക്കം വഴി കോവിഡ് സ്ഥിരീകരിച്ചത്.
കൊണ്ടോട്ടിയും ഹൈ റിസ്‌ക് ക്ലസ്റ്ററാകുകയാണെന്നാണ് അധികൃതർ ഭയക്കുന്നത്. കൊണ്ടോട്ടി മല്‍സ്യമൊത്തവിതരണ മാര്‍ക്കറ്റിലെ തൊഴിലാളികള്‍ക്കാണ് ആദ്യമായി രോഗം സ്ഥിരീകരിച്ചത്. ഇത് പിന്നീട് അവരുമായി സമ്പര്‍ക്കം പുലര്‍ത്തിയ കുടുംബാംഗങ്ങളിലേക്കെത്തി. രോഗവ്യാപനം അതിവേഗമാണ് മേഖലയില്‍ നടക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
