കോവിഡ്, ലുലു മാൾ അടച്ചു; കണ്ടെയിന്‍മെന്റ് സോൺ 

കൊച്ചി: കണ്ടെയ്ൻമെൻ്റ് സോണായി പ്രഖ്യാപിച്ചതിനെത്തുടർന്ന് കൊച്ചി ലുലു മാൾ ഇന്നു മുതൽ പൂർണമായും അടയ്ക്കും. മാള്‍ കണ്ടെയിന്‍മെന്റ് സോണായ വിവരം ലുലു അധികൃതര്‍ അറിയിച്ചു. ലുലു മാൾ ഉൾപ്പെടുന്ന കളമശേരി 34-ാം ഡിവിഷനാണ് ചൊവ്വാഴ്ച വൈകീട്ടോടെയാണ് ജില്ലാ ഭരണകൂടം കണ്ടെയ്ൻമെൻ്റ് സോണാക്കി പ്രഖ്യാപിച്ചത്. ഇതാടെ ലുലു അധികൃതർ തന്നെ ഔദ്യോഗികമായി അറിയിക്കുകയായിരുന്നു. 

ഇനിയൊരു അറിയിപ്പ് ഉണ്ടാകുന്നതുവരെ പ്രവര്‍ത്തിക്കില്ലെന്നാണ് അറിയിപ്പ്. അതേസമയം ആശങ്കപ്പെടേണ്ടതില്ലെന്നും വൈറസ് ബാധ ഉണ്ടാകാന്‍ സാധ്യതയുള്ളവരെ ആരോഗ്യ വിഭാഗം ബന്ധപ്പെടുമെന്നും അധികൃതര്‍ പറഞ്ഞു.

ഇന്നലെ 406 കോവിഡ് കേസുകളാണ് എറണാകുളം ജില്ലയിൽ റിപ്പോർട്ട് ചെയ്തത്.