തിരുവനന്തപുരം: മുതിര്‍ന്ന ബിജെപി നേതാവ് കുമ്മനം രാജശേഖരന്‍ നാളെ മിസോറം ഗവര്‍ണറായി സത്യപ്രതിജ്ഞ ചെയ്ത് സ്്ഥാനമേല്‍ക്കും. രാവിലെ പതിനൊന്നേകാലിനാണ് സത്യപ്രതിജ്ഞ. പദവി ഏറ്റെടുക്കാന്‍ ബുദ്ധിമുട്ടുണ്ടെന്ന് കുമ്മനം കേന്ദ്ര നേതൃത്വത്തെ അറിയിച്ചതായി റിപ്പോര്‍ട്ടുകളുണ്ടായിരുന്നു. നേതൃത്വം ഇതു തള്ളിയതായാണ് സൂചന.
ഗവര്‍ണര്‍ സ്ഥാനം ഏറ്റെടുക്കാന്‍ ബിജെപി കേന്ദ്ര നേതൃത്വം കുമ്മനത്തോടു നിര്‍ദേശിച്ചെന്നാണ് പാര്‍ട്ടി വൃത്തങ്ങള്‍ നല്‍കുന്ന സൂചന. പദവി ഏറ്റെടുക്കുന്നതില്‍ താത്പര്യമില്ലെങ്കിലും പാര്‍ട്ടി നിര്‍ദേശം ലംഘിക്കില്ലെന്ന് കുമ്മനം വ്യക്തമാക്കിയിരുന്നു.
ഒരു സ്ഥാനവും മോഹിച്ചിട്ടില്ലെന്നും ജനങ്ങള്‍ക്കിടയില്‍ പ്രവര്‍ത്തിക്കാനാണ് ഇഷ്ടമെന്നും കുമ്മനം അറിയിച്ചതായാണ് റിപ്പോര്‍ട്ടുകള്‍ വന്നത്.
മിസോറമിലെ നിലവിലെ ഗവര്‍ണര്‍ നിര്‍ഭയ് ശര്‍മ തിങ്കളാഴ്ച സ്ഥാനമൊഴിയുന്ന സാഹചര്യത്തില്‍ കഴിഞ്ഞ ദിവസമാണ് കുമ്മനം രാജശേഖരനെ ഗവര്‍ണര്‍ പദവിയിലേക്ക് രാഷ്ട്രപതി റാംനാഥ് കോവിന്ദ് നിയമിച്ചത്. ഈ വര്‍ഷം അവസാനം തിരഞ്ഞെടുപ്പ് പ്രഖ്യാപിച്ചിരിക്കുന്ന സാഹചര്യത്തിലാണ് കമ്മനത്തിന്റെ നിയമനം.
2015 ഡിസംബറിലാണ് കുമ്മനം ബിജെപി സംസ്ഥാന അധ്യക്ഷനായി സ്ഥാനമേറ്റത്. ചെങ്ങന്നൂര്‍ ഉപതിരഞ്ഞെടുപ്പ് പ്രചാരണം നടക്കുന്നതിനിടെയായിരുന്നു ബിജെപി സംസ്ഥാന അധ്യക്ഷന്‍രെ സ്ഥാനമാറ്റം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
