ചാവക്കാട് നേർച്ചയ്ക്കിടെ ആനകൾ ഇടഞ്ഞു; പത്തോളം പേർക്ക് പരുക്ക്

ചാവക്കാട്: മണത്തല നേർച്ചക്കിടെ മൂന്ന് ആനകൾ ഇടഞ്ഞത് പരിഭ്രാന്തി സൃഷ്ടിച്ചു. ആനകൾ ഇടഞ്ഞതോടെ നേർച്ചയ്ക്കെത്തിയ ജനം പരിഭ്രാന്തരായി പ്രാണരക്ഷാർത്ഥം ഓടി. ഓടുന്നതിനിടെ നിലത്തു വീണ പത്തോളം പേർക്ക് പരുക്കേറ്റു. 

ഇടഞ്ഞ മൂന്ന് ആനകളേയും അര മണിക്കൂർ നീണ്ട ശ്രമത്തിനൊടവിൽ തളച്ചു. ആനകൾ പരസ്പരം കുത്തിയതാണ് ഇടയാൻ കാരണമായത്. നേർച്ചയ്ക്കായി നിരവധി പേരാണ് മണത്തലയിലെത്തിയത്. ഇതിനിടെയാണ് ആനകൾ വിരണ്ടോടിയത്. സമയോചിതമായ ഇടപെടലിലൂടെ ആനകളെ പെട്ടെന്ന് തളയ്ക്കാൻ സാധിച്ചതിനാൽ കൂടുതൽ അനിഷ്ട സംഭങ്ങൾ ഉണ്ടായില്ല.