തിരുവനന്തപുരം: വിവിധ വിഷയങ്ങളില്‍ ജനങ്ങളുടെ സംശയങ്ങള്‍ക്ക് മറുപടിയുമായി മുഖ്യമന്ത്രി ഫേസ്ബുക്ക് ലൈവിലെത്തുന്നു. ജൂലൈ 21 ഞായറാഴ്ച രാത്രി 7 മണി മുതലാണ് മുഖ്യമന്ത്രി ഫേസ്ബുക്ക് ലൈവിലെത്തുന്നത്. സിപിഎം കേരളയുടെ ഫേസ്ബുക്ക് പേജിലാണ് അറിയിപ്പ് വന്നത്.
മുഖ്യമന്ത്രി പിണറായി വിജയന്‍ ജനങ്ങളുമായി സംവദിക്കുന്ന 'നാം മുന്നോട്ട്' എന്ന ടെലിവിഷന്‍ പരിപാടി ഏറെ ശ്രദ്ധിക്കപ്പെട്ട സാഹചര്യത്തിലാണ് ഫെയ്‌സ് ബുക്ക് ലൈവുമായി എത്താനുള്ള തീരുമാനം. നാം മുന്നോട്ട് എന്ന അരമണിക്കൂര്‍ നീളുന്ന ഈ സംവാദം ആഴ്ചയിലൊരിക്കലാണ്. വീണാ ജോര്‍ജ് എം.എല്‍.എ.യാണ് അവതാരക. സി ഡിറ്റിന്റെ സാങ്കേതികസഹായത്തോടെ സര്‍ക്കാരിന്റെ പൊതുജനസമ്പര്‍ക്ക വകുപ്പാണ് തയ്യാറാക്കുന്നത്. വിദഗ്ധ പാനലിനൊപ്പം സാമൂഹിക സാംസ്‌കാരിക, ചലച്ചിത്ര മേഖലകളിലെ പ്രമുഖരും സംവാദത്തില്‍ പങ്കെടുക്കുന്നുണ്ട്
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
