ടി കെ മാധവന്റെ ചെറുമകളുടെ മകൾ കോവിഡ്–19 ബാധിച്ച് മരിച്ചു, മരണം ഷാർജയിൽ 

ആലപ്പുഴ: സാമൂഹിക പരിഷ്കർത്താവായിരുന്ന ടി കെ മാധവന്റെ ചെറുമകളുടെ മകൾ കൽപന (51‌) കോവിഡ്–19 ബാധിച്ച് മരിച്ചു. ഷാർജയിൽ വച്ചാണ് മരണം. ഷാർജയിൽ ഷിപ്പിങ് കമ്പനി ഉദ്യോഗസ്ഥനായ സുരേഷ് സുധാകരന്റെ ഭാര്യയാണ് കൽപന. 

ശനിയാഴ്ച രാത്രിയാണ് മരണം സംഭവിച്ചത്. മരണ കാരണം കോവിഡ്–19 ആണെന്നു ഇന്നലെയാണ് സ്ഥിരീകരിച്ചത്. 

ടി.കെ.മാധവന്റെ ചെറുമകൾ പരേതയായ പ്രഫ.ജയയുടെയും പരേതനായ അഡ്വ.ടി.ഡി.കവിരാജന്റെയും മകളാണ് കൽപന. കുടുംബത്തോടൊപ്പം 25 വർഷത്തിലേറെയായി ഷാർജയിലാണ് കൽപന താമസിച്ചിരുന്നത്. മക്കൾ: മാളവിക സുരേഷ് , ആദിത്യ സുരേഷ്