കൊച്ചി: സംസ്ഥാന ചലചിത്ര അവാര്‍ഡ് ദാനച്ചടങ്ങില്‍ പ്രമുഖ താരങ്ങള്‍ പങ്കെടുക്കാതിരുന്നതിന് മറുപടിയുമായി മികച്ച നടനുള്ള അവാര്‍ഡ് കരസ്ഥമാക്കിയ നടന്‍ വിനായകന്‍. പ്രമുഖ താരങ്ങള്‍ ആരും വന്നില്ലെങ്കിലും പ്രശ്‌നമില്ല, സിനിമയുണ്ടാകുമെന്ന് അദ്ദേഹം പറഞ്ഞു. സിനിമയെ തകര്‍ക്കാന്‍ കഴിയില്ല. ഇന്നു ഞാന്‍ തിളങ്ങി. നാളെ മറ്റൊരാള്‍ തിളങ്ങും,അദ്ദേഹം പറഞ്ഞു.
ഞായറാഴച തലശ്ശേരിയിലായിരുന്നു സംസ്ഥാന ചലചിത്ര അവാര്‍ഡ് ദാന ചടങ്ങ്. ഇതില്‍ പങ്കെടുക്കാന്‍ മലയാള സിനിമയിലെ മുന്‍നിര താരങ്ങളാരും എത്തിയിരുന്നില്ല. മോഹന്‍ലാലും മമ്മൂട്ടിയും പങ്കെടുക്കാതിരുന്ന ചടങ്ങില്‍ ആദരിക്കാനിരുന്ന ശ്രീനിവാസന്‍ പോലും എത്തിയിരുന്നില്ല. ഇതിനെ വിമര്‍ശിച്ച് മുഖ്യമന്ത്രി പിണറായി വിജയന്‍ അവാര്‍ഡ് ദാനടചങ്ങില്‍ സംസാരിച്ചിരുന്നു.
മുന്‍നിര താരങ്ങള്‍ ചടങ്ങില്‍ പങ്കെടുക്കാതെ മാറി നിന്നപ്പോള്‍ സിനിമയിലെ സ്ത്രീ കൂട്ടായ്മയായ വുമണ്‍ ഇന്‍ സിനിമ കളക്ടീവ് അംഗങ്ങള്‍ ആക്രമിക്കപ്പെട്ട നടിയ്ക്ക് വേണ്ടി വേദിയില്‍ പ്രകടനം നടത്തിയിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
