തൃശൂര്‍: ശക്തൻ നഗറിലെ പട്ടാളം മാര്‍ക്കറ്റില്‍ വന്‍ തീപ്പിടിത്തം. പഴയ വാഹനങ്ങളുടെ ഭാഗങ്ങൾ വിൽക്കുന്ന കടയിലാണ് ആദ്യം തീപ്പിടിച്ചത്. ഏകദേശം രണ്ടരയോടെയാണ് സംഭവം. ടയറുകള്‍ കൂടിക്കിടന്നിടത്താണ് തീപ്പിടിച്ചതോടെ വലിയ രീതിയില്‍ തീ ആളിപ്പടരുകയായിരുന്നു. 10 കടകള്‍ കത്തി നശിച്ചുവെന്നാണ് റിപ്പോര്‍ട്ട്. പഴയ വാഹനങ്ങളും കത്തിയിട്ടുണ്ട്.
പട്ടാളം മാര്‍ക്കറ്റില്‍ ശക്തന്‍ സ്റ്റാന്‍ഡിന് അടുത്ത് പഴയ വാഹനങ്ങളും ടയറുകളും ഉള്‍പ്പെടെ കൂട്ടിയിട്ടിരിക്കുന്ന സ്ഥലമാണിത്. തീപ്പിടിത്തത്തെ തുടര്‍ന്ന് വലിയ തോതില്‍ നഗരത്തില്‍ പുക പടര്‍ന്നത് ആശങ്ക പടര്‍ത്തി. കാറ്റ് ശക്തമായതും തീപ്പടരുന്നതിന് ആക്കം കൂട്ടി. ഫയര്‍ഫോഴ്‌സ് എത്തി മണിക്കൂറുകള്‍ പരിശ്രമിച്ചാണ് തീ അണച്ചത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
