അന്തിക്കാട്: തൃശ്ശൂരില് വന് കഞ്ചാവ് വേട്ട. 42 കിലോ കഞ്ചാവുമായി രണ്ട് എഞ്ചിനീയറിങ് കോളെജ് വിദ്യാര്ത്ഥികളാണ് പൊലീസിന്റെ പിടിയിലായത്. പട്ടാമ്പി സ്വദേശി രോഹിത്, ആലുവ സ്വദേശി അഹമ്മദ് എന്നിവരെയാണ് പൊലീസ് അറസ്റ്റ് ചെയ്തത്.
എഞ്ചിനീയറിങ് കോളെജില് വില്പ്പന നടത്താനെന്ന വ്യാജേനെ പൊലീസ് ഇവരെ സമീപിക്കുകയായിരുന്നു. മഫ്തിയിലെത്തിയ സംഘത്തിന് സമീപത്തേക്ക് രണ്ട് ട്രോളി ബാഗുകളിലായാണ് കഞ്ചാവ് എത്തിച്ചത്. അയല് സംസ്ഥാനങ്ങളിലെ ഹോള്സെയില് ഏജന്റുമാരില് നിന്നാണ് ഇവര് ഇത് വാങ്ങിയതെന്ന് പൊലീസ് പറയുന്നു. കൊച്ചിയിലെത്തിച്ച് വിതരണം ചെയ്യുകയായിരുന്നു ഇവരുടെ രീതി. വിദ്യാര്ത്ഥികളെ അന്തിക്കാട് പൊലീസ് ചോദ്യം ചെയ്ത് വരികയാണ്.
വിദ്യാര്ത്ഥികളെ ഏജന്റുമാരാക്കി സംസ്ഥാനത്ത് വന് കഞ്ചാവ് മാഫിയ പ്രവര്ത്തിച്ച് വരുന്നതായി കിട്ടിയ രഹസ്യ വിവരത്തെ തുടര്ന്നായിരുന്നു പൊലീസ് തിരച്ചില് ഊര്ജ്ജിതമാക്കിയിരുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
