ദിലീപിന്റെ റിമാന്റ് കാലാവധി അടുത്ത മാസം എട്ടുവരെ നീട്ടി

കൊച്ചി: നടി ആക്രമിക്കപ്പെട്ട കേസില്‍ ആലുവ സബ് ജയിലില്‍ കഴിയുന്ന ദിലീപിന്റെ റിമാന്‍ഡ് കാലാവധി നീട്ടി. അടുത്തമാസം എട്ടു വരെയാണ് റിമാന്‍ഡ് നീട്ടിയിരിക്കുന്നത്. കോടതിയിലേക്കു കൊണ്ടുപോകുന്നതിലെ സുരക്ഷാപ്രശ്‌നം ചൂണ്ടിക്കാട്ടി പൊലീസ് നല്‍കിയ അപേക്ഷ പരിഗണിച്ച് വീഡിയോ കോണ്‍ഫറന്‍സിങ് വഴിയാണ് ദിലീപിനെ കോടതിക്കു മുന്നില്‍ ഹാജരാക്കിയത്. പരാതികളൊന്നുമില്ലെന്നും ദിലീപ് കോടതിയെ അറിയിച്ചു. സുരക്ഷ പരിഗണിച്ച്‌
വീഡിയോ കോണ്‍ഫറന്‍സിന് അനുവദിക്കണമെന്ന് കോടതിയോട് പൊലീസ് ആവശ്യപ്പെട്ടിരുന്നു. 

ഹൈക്കോടതി തിങ്കളാഴ്ച ജാമ്യാപേക്ഷ തള്ളിയതോടെ കാര്യമായ നടപടി ക്രമങ്ങളില്ലാതെ റിമാന്‍ഡ് കാലാവധി നീട്ടി ഇന്നത്തെ നടപടികള്‍ പൂര്‍ത്തിയാക്കുകയായിരുന്നു.